اقتباس:
المشاركة الأصلية كتبت بواسطة روحي تحبه MMM
شكرا لكل من رد علي ؟انا مابي اراء شخصيه لان كل شخص يختلف عن الثاني واللي ايده بالمويه مومثل ايده بالنار .انا بوضح لك اخوي اقهر ضروفك ؟فعلا انا متشاده بالكلام بيني وبينه وتلفظت عليه وهو بعد بس كنا وقت عصبيه وانا دائما اساله وين رحت وين جيت واحلف لي يعني ماصدقه وكان متحملني زوجي مايحاسبني لا يسكت ويكتم الي انفجر مثل الان ابوي تدخل بدايه المشكله من خمس شهور وكلمه ؟بس انا سؤالي للكل ليش ماطلقني من خمس اشهور بدايه المشكله ؟هل هذا تاديب لي؟وبعدين اذا تزاعلت انا وياه كان يقولي كلام يجرح اقوله ليش تقول فيني كذا يقولي وقت العصبيه لاتاخذين كلامي لاني معصب ؟هل بعد خمس شهور من المشكله بيطلق ليش ماطلق من البدايه ؟مع العلم زوجي صغير بالعمر متزوجين من3سنوات ولان عمره25
|
أختي الكريمة
هنا في هذا المنتدى لكي إخوان وأخوات همهم مساعدة من يحتاج للمساعدة وكلٍ يدلي بدلوة ويساعد على حسب خبرتة او دراستة في الامور الاجتماعية ومما يساعد على حل القضية ولكي يكون الأعضاء المشاركين ((إيديهم بالنار زي ماقلتي)) لابد من إنك تطرحين موضوعك متكامل وبجميع نقاطة اللي لك واللي عليك.
بعض اللي يطرحون ويعرضون مشاكلهم ما يعرضون إلا النقاط اللي في صالحة ليكسب التأييد من المشاركين في موضوعة وبالتالي هذا راح يقود ( صاحب او صاحبة) الموضوع الى الحل الخاطئ , وهذا ملاحظ في بعض المواضيع المطروحة...
اختي الكريمة
كلنا يد واحدة... نطرح الحلول وصاحب المشكلة هو أكثر واحد يعرف الحل المناسب من الحلول المطروحة من قبل الاعضاء.......فكوني على ثقة إن الجميع حاس فيك وعايش الوضع معك.
الله ييسر أمرك