ماله حق أبداً ، خلاص دام بنتك عايشه حياتها وراضيه وقانعه وش يبي أبوها !! أنا ما أختلف كونه والدها لكن زوجها أولى فيها ودام البنت راضيه وعايشه حياتها مبسوطه فالله يوفقها ..

بس المفروض أختك ما قالت أني محبة الزوج أكثر من محبة الأب ، لأن طاعة الزوج مقدمه على طاعة الوالدين , وبعدين المفروض أن والدك يكوون أكثر عقل منها , لأنه له خبره في الحياه ويعرف ان الكلام هذا موجه من امرأه حتى لو أنها بنته فلذلك لا يشيل في خاطره ..




يمكن يا أخي زوجها محدد لها الزياره أو يمكن أنها في مدينه ثانيه وصعب تجيكم وأنتم تبغونها كل ساعه والثانيه موجوده ، يا أخي دامها مبسوطه في حياتها أدعوا ان الله يوفقها ومو لازم تجيكم الا مره في السنه بس اهم شي تكون مبسوطه ..



يا أخي ما عندها الا محيط زوجها واهله تسولف فيه وش تبغاها تقول !!

وبعديتن هي جالسه تهتم في أبو زوجها من من معزة زوجها، وأبوك ماهي ملزومه تهتم فيه وتقوم بخدمته لأنها عند زوجها ونادر أنها تزوركم ، والفتره هذي الملزوم في خدمة الوالد هو أبنائه , وأبنائه يخدمون والديهم أما بمساعدة زوجاتهم أو يجبون خدامات تساعد في خدمة والديهم ، أما إذا كانت تعامل أبوها معامله قاسيه بالكلام والأسلوب فما لها حق أبد والمفروض ترجع لصوابها وتعامل أهلها معامله حسنه من ناحية اللفظ والأسلوب , لكن الخدمه والتواجد عندهم 24 ساعه فماهي ملزومه ..




ماله حق يدعي عليها والمفروض أن ابوك يدعي لها بالتوفيق والصلاح وحياتها لزوجها وأولادها لأنها ما شوت شي يستحق أنه يدعي عليها والمفروض دامه بيدعي عليها ما زوجها من البدايه وخلاها تروح لزوجها ..



عموما أخوي أنا أفضل أنكم تتركونها في حال سبيلها دامها مبسوطه , وان شاء الله ربي بيهديها إذا كانت تستخدم مع أبوك ألفاظ مو كويسه ..


وفقك الله