بنات والله ما عارفة اقول ل كم ايه غير ربنا يجزيكم الجنة على دعمكم لى وسؤالكم عنى وعن بنتى سامحونى بأرد بالمجحمل لأنى والله مش مالكة ارد على واحدة واحدة ادعولى ظروفى تتحسن وارغى معاكم للصبح ان شاء الله نعم الاخوات والله

بالنسبة لاخبارى فبنتى انا ودتها لاكثر من دكتور وكلهم قالوا بسبب التسنيين عندها صعب اوى وكل وغحد يدينى دوا غير التانى لحد ما بنتى بقت مصنع ادوية

وياريت الامر خلص على اد كدا ولكن الحمد لله البلاء زاد على وفجأة امبارح بنتى صاحية بتصرخ وتهرش فى جسمها كلها حتى شعرها بتقطع فيه ولقيت من اول راسها لحد رجلها بقع حمرا ظهرت فجأة وطالعة برا الجلد مخلياه سميك كأنها قرصة نملة بس فى جسمها كله ياحبيبة امها حتى عورتها

انفجعت عليها ووديتها لدكتورة جلدية قالت لى ان ده حساسية من دوا من الادوية الى بتاخدها وكتبت لى مرهم ملطف ودوا حساسية لما اشوف هايعمل ايه ادعولى

بالنسبة لى الدكتورة قالت لى خلينى مخلعش ضروسى الا لما الدورة تيجى هى معادها بكره على اساس انى مش عاملة اى مانع حمل قلت لها انى اصلا مش عاملة مانع من ساعة ما ولدت من سنة واكتر ومحصلش حمل بس انا كنت بارضع ولما فطمت لسه كان فيه حليب ونشفته بعلاج الشهر ده الحاجة الوحيدة الى عملتها واخدت جلوكوفاج ولكن احتمال الحمل بعيد

بردو قالت لى ننتظر مجتش على يومين فسمعت كلامها وقلت لما تبقى تيجى ابقى اروح ان شاء الله بس لسه مبهدلانى والله يا بنات ساعات باصحى من المها ربنا يستر ومتجيش شديدة المرة ده

ادعولى وسامحونى على تقصيرى والله بادعى لكم

ام يحيى ربنا يكرمك يارب وخليكى لوقت عوزة نسأل زوجك ان شاء الله

__________________