أعتقد ان زوجك يعاندك بتصرفاته ... لأنك تجبرينه على ان يصبح كما تريدينه أنتي .. ولكن هل سألتيه هو ماذا يريد ؟

عزيزتي .. ممكن يكون شخص مهمل لكن ما توصل لأن يلبس ملابس باليه وحذاء ( اعزكم الله ) مقطــع في حفل او

مناسبه الا وانه يريد ان يعاندك ... ما شاء الله تقولين انك كاملة والكمال لله .. واحساسك هذا اعتقد انه أثر على زوجك

بشكل سلبي .. فهو ليس طفل لكي تقولي له : إلبس هذا ولا تلبس هذا ... حاولي تعرفين ذوقه في اللبس ... لا

تحسسيه انك متفشله منه .. بالعكس .. هذا زوجك واللي يغلط عليه كأنه يغلط عليك .. لا تقولين يفشلني ...


تقولين :

# عندما تمر مناسبة مهمه لوالدي يجتمع فيها القريب والبعيد ..ولايدعى زوجي لها والعذر دوما جاهز لديهم >>>>>"لاتقولين له يفشلنا"

بكل بساطه .. لا تروحين للمناسبه .. المكان اللي زوجك غير مرحب فيه لا تروحينه


# وعندما افتتح معرض شخصي في قاعة عرض راقيه واشاهد زوجي يتخاطف ببساطته ولامبالاته وبحذائة الممزق وللاسف بدون الغترة او الشماغ .. ..


اعتقد ان هذا تصرف متعمد منه ..لانك قبل الكل تحسسينه انك متفشله منه .. وتبينه يصير مثل ما انتي ترغبين ..


# وعندما لايذهب للحلاق وترتيب مظهرة الا بعد محاولات شتى مني..


وكيف هي المحاولات؟؟ .. حبيبتي الاصرار والحنه تولد العناد .. في اساليب اخرى تخلي الزوج يركض للحلاق وهو فرحان ..


# وعندما اشتري له الساعات الثمينه والاقمشه الرجاليه الفاخره والكبكات الماركه رغبة مني في تطوير مظهره ويركنها على الطاوله ..


مو شرط انك تطورين مظهره بالماركات الثمينه والفاخره .. شوفيه هو شو ذوقه في اللبس والعطور والاقمشه .. واذهبي

وتسوقي معه .. ولا تصرفين من فلوسك عليه ..علشان يحس انه هو الكل بالكل .. هو اللي يصرف وهو رجل البيت

وهو المسئول عنك .. وحتى لو تقولين له : حبيبتي خاطري في هذا العطر .. ممكن تاخذلي إياه .. صدقيني هذا الشيء

بيفرحه وايد ..


# وعندما اسمع تعليقات من حولي على شكله ومظهره .
والله مايليق لكم ... يوووه ماتخيلت هذا زوجك ...بصراحه ......الخ
من تعليقات تسم البدن وتحرق القلب ...

لو أنا مكانك ..اسكت كل شخص يتجرأ ويتكلم على زوجي .. لانه كأن يغلط علي .. وامدح اخلاقه وطيبته وقلبه ..حتى لو
كان وحش


# وعندما يحضر المناسبات بثوب لبسه مرارا وتكرار دون غسله ..ودون اعتبارا لمحاولاتي في تبديله

ووليش ما تغسلين ملابسه ..او اذا عندكم شغاله ليش ما تغسل ملابسه .. برأيي ان هناك اهمال من طرفك عزيزتي

واكرر واقول ... لا تحاولين تبدلينه لانه ما يحتاج تبديل .. يحتاج زوجه بمعنى الكلمه .. يحتاج لرفيقه وصديقه وحبيبه

ولا يحتاج لتجارتك ومناسباتك ومركزك الاجتماعي والمهني ... انتبهي حبيبتي ... واجلسي معه كزوجه وانسي كل

من حولك .. واستمعي له .. اعرفي اهتماماته ومواهبه وشجعيه على ابرازها .. الله يسعدكم ويوفقكم
والسموحه على الاطاله اختي