الموضوع يبغى له طولة بال...
وماأخفيك هي مشكلة حقيقية ومحرجة بصراحة!!

بس أحسن شي إنك تتعاملي معاها بحكمة يعني إنك إذاتزعلي وتتعقدي وتتحطم نفسيتك وتقولي إيش دا الحظ ياربي
ماحتستفيدي شي..
بالعكس حتكوني حساااااسة ماتنتبهي إلا على هذا العيب ويأثر فيك تعليقات الغير..
يفشل... ليه شكله كذا...الخ

وكمان ماحتحسي بقيمة إيجابياته ومافي شخص خالي من الإيجابيات
باختصار حافظي على نفسيتك وهدوءك
عشان تتجاوزي المشكلة وتفكري صح
ونصايح الأخوات جيدة ..

وكمان لاتحسسيه إن هذا الشي عندك مشكلة كبيرة
واجتهدي في رضااااه بكل شي
حتى يصبح هو يريد رضااااك
وانت وشطارتك
لا أوصيك بكيدا النسا علقيه فيكي
يصير ما يبغى ياكل إلا من يدك
ولا يشرب إلا من يدك .....ولا يلبس إلا من يدك ... شدي حييييلك

وفي شي أحب أخير أضيفه..
لعله فيه خير أو أعمال في الخفاء(جانب الإخلاص) أو باااااار بوالديه
فهذه وغيرها تنفعه عند الله ويكون هو عند الله خير من كثيييير من الرجال جنتل ولا يحافظ على صلاته مثلا ولا يبر بوالديه ولا هو قريب من الله ..
ممكن تصبري نفسك بهذا الأمر تقولي لعله عند الله في مكان عالي
تقولي .. لعله عند الله أحسن مني أنا
وإذا أحد استهزأ به ولو بدون قصد تذكري خيره وقولي في نفسك
لعله عند الله خير منك..

الله ييسر أمرك