ام مرهوني الله يعوض عليكي يا رب بالحمل الثابت المعافى في القريب العاجل يارب اشكري ربك واحمديه واستغفريه كثيرا
فلفله يا فلفوله ان شاء الله حامل انا لما حملت في بنتي حصل معايا زيك بالظبط بس من غير تحليل منزلي كلن تحليل هرمون ودكتور التحاليل قالي نفس الكلام النسبه ضعيفه جدا تخيلي كانت بس 20 وقالي في الحالات دي مبنقدرش نقول انه حمل ومنقدرش نقول انه مش حمل لكنه في اغلب الاحيان حمل ان شاء الله والحل الامثل اننا نعيد التحليل كمان 4 ايام ونشوف النسبه وفعلا النسبه كانت مضاعفه وكشفت بعد ما اكدلي الحمل بان الكيس وما كان باين قبل كده عقبالك يارب العالمين ما تيجي تبشرينا
متفائله ان شاء الله هنباركلك ونزغرطلك
حلمي طبعا الضنا غالي ربنا يكرمك ويرزقك باللي نفسك فيه يارب بوسيلي حمودي كتير وطمنيني على نورا هي فين ليه مختفيه سألت عنها قبل كده ومحدش جاوبني
كوكا ربنا يديكي البنوته اللي نفسك فيها يارب وحتاجيش للدكتور غير وانتي رايحه حامل يارب
ملاك العراق طمنينا عليكي وعلي البيبي الغالي ربنا يتملك على خير يا رب وتتهني بيه في حضنك
يورنا ربنا معاكي لأن مشكلتك نفس مشكلتي انا كمان في حملي بعاني من سكر الحمل وعارفه هو قد ايه متعب بس احنا السكر عندنا وراثي في اهل بابا ربنا يهون علينا يارب انا لما سألت الدكتور قالي هنعمل التحليل في الشهر الرابع مش عارفه ليه
عشوقه ليكي وحشه ربنا يريح بالك وييسر لك امورك ويجعلك من كل ضيق مخرج وفرجا
اما عن اخر اخباري فالحمد لله رب العامين الدكتور طمني وانا ديلوقتي بديت الشهر الثالث لكن ضغطي واطي جدا ودايما مسبب لي هبوط مستمر فكتبلي جرعه فيتامينات محترمه حقن وكبسولات وربنا يعينا دعواتكم