اقتباس:
المشاركة الأصلية كتبت بواسطة جوهرة الكويت
مزاياه أنه متدين مصلي بالمسجد صاحب دعوة اخلاقه ممتازة على كلام الناس طبعا
ترى الدين أعظم ميزة بالرجل
ويقول صلى الله عليه وسلم: (( إذا رأيتم الرجل يعتاد المساجد فاشهدوا له بالإيمان ))
وبعدين ياعمري شوفي حال الشباب هالايام حتى اشكالهم اعوذ بالله ماكأنها اشكال رجال
الشعور منفوشه والسروال طيحني شي يندى له الجبين
فميزة الدين ماتتعوض
اتصلوا علينا بعد مارجعت من السفر
واخبرتهم امي مرة ثانية ان مو مرتاحة
لكن مو راضيين يقتنعون وعندهم اصرار عجيب
كيف ماتبينهم يصرون وهم طايحين على جوهرة بنت حافظة للقرآن ومتعلمة وخلوقة
الناس تفهم تعرف البنت الصاحية من المصرقعة
حتى ان الخاطب كلم امي وسألها عن سبب رفضي
فقالت له اني خايفة وماابي اتزوج واطلق
فقالها انا مريت بتجربة وصار عندي خبرة اكثر
ونرى هذي بعد ميزة انه عرف اخطاؤه بالزواج والأول ويبي يتلافاها بالزواج الثاني
وقالت له اننا عرفنا ان طليقتك بنت ملتزمة وخلوقة واحنا متخوفين ليش وقع الطلاق
الطلاق وقع لأنه انتهى نصيبه معاها ماتوفقوا خلاص
فقال ان فيها عيب وانا مابي اقول عشان لا اجرحها
وهذي بعد ميزة انه حفظ العشرة ومايبي يطلع اسرار
واعطانا رقم ام البنت حتى نسألها عنه ثم بعد فترة اتصل وقال اكيد ام البنت مارح تقول شي عن بنتها
واقسم لامي انه لايمكن ان يرجعها
وطلب من والدتي ان يكلمني
وامي الله يهديها قالت ماعندي مانع تكلمها
طيب ليش ماتكلمينه وتسألينه بنفسك عشان ترتاحين
وامه كل ماتتصل تقول ابي اكلمها لكن انا رافضة
والحين مو عارفة اذا تصلوا شنو ارد عليهم
شلون اتزوج واحد مو مرتاحة له
طيب انتي شنو بالضبط مو مريحك بالعريس؟
وليش هالاصرار ! يقول لامي انا مارتحت إلا لبنتكم
|
اقتباس:
المشاركة الأصلية كتبت بواسطة جوهرة الكويت
الموضوع صار له تقريبا شهر
ولكني الحين في مشكلة
وهي اني صايره افكر في الخاطب واتمنى عودته
مع اني كنت اريد الموضوع ينتهي لاني ما ارتحت له بعد ما عرفت عنه ما عرفت
وش عرفتي عنه ؟؟
وحتى بعد صلاة الاستخارة ما ارتحت
لكني الحين مادري ليش افكر فيه ومتناسيه العيوب اللي سمعتها عنه
|
ترى ياجوهرتي ياقليبي مافي انسان من غير عيوب
انتي قيسي حطي حسناته بكفه وسلبياته بكفه
وفكري واستخيري
وترى ميزة الدين ماتتفوت احس قليل الشباب المتدين
وانتي شايفه بعيونك
الله ييسر امرك ياعيوني ويرزقك بالزوج الصالح اللي يسعدك
ترى هذي نصيحتي لك وانتي ادرى بالأصلح
يمكن يكون كلام صحيح وممكن لا
بس عاد هذا اللي اشوفه يانظر عيني
وتراني احبك حييييل في الله
__________________
إذا كثُر الاستغفار في الأمة وصدَر عن قلوبٍ بربّها مطمئنة دفع الله عنها ضروباً من النقم، وصرَف عنها صنوفًا من البلايا والمحن، {وَمَا كَانَ اللَّهُ لِيُعَذّبَهُمْ وَأَنتَ فِيهِمْ وَمَا كَانَ اللَّهُ مُعَذّبَهُمْ وَهُمْ يَسْتَغْفِرُونَ}