منتدى عالم الأسرة والمجتمع - عرض مشاركة واحدة - عاشقات حلم الامومة ( يناير-ابريل)

07-03-2010, 08:16 PM

#1159

مُنتهـى

كبار شخصيات المنتدى

تاريخ التسجيل: Apr 2009

المشاركات: 1,629

مساء الورد على أحلى بنات

^_^

أشكركم على سؤالكم عني وسامحوني على القصور

آخر أخبـــاري

لسه الدورة ما جت .. اليوم صرت باليوم ال42 لآخر دورة تخيلوا بس !!!!

طبعا دخلت موسوعة غينيس بالنسبة لي خخخخخ أول مرة تصير بتاريخي

عندي آلام عجيبة غريبة .. أحس بشد يعووور بأسفل بطني وجهة المبايض .. وأحيانا حرقه وثقل بنفس المنطقة ..

بدأت عندي الخميس الماضي آلام الصدر والنفخة المعتادة .. الحمدلله يعني في تطور ..!!

حرارتي لازالت مرتفعه عن الطبيعي .. وعندي رغبة شديدة في شرب الماء الباااارد باستمرار .. مع العلم اني أبدا ما أشرب

ماي بارد بالأول .. متعودة أشرب ماي بدرجة حرارة الغرفه .. والحين صايره ما أشرب الا من الثلاجة ..

وعندي دوخة مستمرة ........ بس رغم هذا كله انا أرجع وأقول ما أحس اني حامل أبدا .. الله كريم ^_^

على العموم

اليوم رحت للطبيبة .. شافتني ألتراساوند قالتلي الحمدلله كل شي طبيعي ... والبطانة صارت سميكة ماشاءالله ..

قالتلي سمكها يدل على شيئين ..

اما انه الدورة قربت تنزل (فال الله و لا فالها)

او اني حامل (الله يسمع منها)

وغير كذا قالتلي من خبرتها ومن شكل البطانة هي تتوقع نزول الدورة الثلاثاء الجايه او الخميس

يعني هاليومين .. وحطت احتمال كبير انها ما تنزل وأطلع حامل وعطتني موعد يوم الأربعاء (بعد يومين)..

خصوصا اني طلعلي فحصين بالبيت بوستيف

ولو نزلت قالتلي أروحلها من ثاني يوم ان شاء الله ومنعتني أخذ اي شي ينزلها هالفترة ..

على العموم أحس اني هديت واتطمنت بعدما رحت للطبيبة لأنها ماشاءالله كبيرة بالسن وحبوبة وعطتني كل وقتها واهتمامها

الطبيبة اللي كنت رايحتلها قبل.. كل شوي تشوف عالساعه كأنها تقولي يالله خلصينا

أختي الكبيرة تقولي انا متأكدة انك حامل !!

وبنتها حلمتني قبل ما تتأخر دورتي اني حامل خخخ .. لما قلتلها دورتي متأخره قالتلي خلاص حلم بنتي تحقق

الله يسمع منها .. ويتحقق حلم بنت أختي ..

بس انا حاطه كل الإحتمالات الحمدلله ومتقبلتها

و أظل أقول الحمدلله على كل حال

أسأل الله ان يرزقني واياكم عاجلا غير آجل

غلا : لسه ما قريت القصه .. بس تشوقت من ردود البنات .. ان شاء الله أرجع أقرأها ^_^

باقي البنات الله يعطيكم على قد نياتكم ويرزقكم مثل هالحلوين يارب

وسامحوني طولت عليكم

__________________
[IMG]http://im2.***********/2011-03-17/1300376250161.gif[/IMG]

طـريقك الشخصي الى الحمـل (1) (2)