حبيبتي
الكلمة ممكن تكون بسبب :
- لحظة غضب
- رواسب نفسية بحكم طول فترة زواجكم
- اشياء مو عاجبه زوجك فيك ( يمكن تعرفينها
وما تقدرين تغيرينها او ما تعرفينها )
عموما خلينا نعتبر كلمته ناتجة عن هالاشياء
وخل نفترض ان فيك اشياء مو عاجبه زوجك
خصوصا وانه لو كانت الكلمة انقالت بسبب لحظة
غضب كنتي سمعتيها من زمان يمكن .. مو بعد
سبع سنوات !
عشان كذا الاحتمال الثالث اقرب للحقيقة من وجهة نظري
لذلك تحتاجين جلسات مصارحة مع زوجك ..
بس مو الحين .. بعد فترة بسيطة اسبوع او اسبوعين
خلالها تتجنبين كل شي يزعله وتعطينه احسن ما عندك
عشان تهيئينه نفسيا للمصارحة هذي وانه يقول
كل الي بخاطره فيها وهو بحالة هدوء
مصارحتك له بوقت مشاعره فيه مستقرة يساعده
يقول الي بقلبه بوضوح وصدق .. احسن من انك
تكلمينه اليوم ولا بكرة وهو معصب ولا شايل عليك
بيصير الحكي الي يقوله لك بس تفريغ غضب
والاشياء المهمة يمكن ما يقولها او يقولها باسلوب
مو واضح ..
ان شاء الله يكون كلامي مقنع وتطبقينه وتشوفين احسن
النتايج باذن الله تعالى .. الله يسخره لك ويحميكم من كيد
الشيطان
دمتي بود غلاتي
__________________
شتان .. بين من تسيره مبادئه ، ومن تسيره مصالحه