السلام عليكم يا اخي...

بدك نصيحتي لا تتصل عليها هلا وتعبرلها هن مشاعرك... خليها كمان وبس تحكي معها كمان مكالمتين تلات بنفس المعاملة بالمكالمة الأخيرة احكيلها مشاعرك وانك بتحبها تضل تعبرلك عن مشاعرها، واذا ما بتعبر عن مشاعرها حترجع لنفس المعاملة الجافة (القصد من انك تطول شوي لترجع لعوايدك عشان تعرف انو زعلك صعب ومش بسهوله بترضى، لانو اذا عرفت او حست انك من النوع اللي برضى بسرعه حتشوف كتيييير وحتراضيك لما هي تروق)..

والله انبسطت كتير انو اختك كمان اسمها براءة وانشالله انا بكون متل اختك واقدر افيدك باللي بقدر عليه..

تعرف والله هلا كل ما اقعد لحالي واتذكر شو كنت اعمل ايام الخطبة بصير اضحك عحالي.. تقريبا نفس حركات خطيبتك، اذا رنيت عليه وما رجع رن على طول ، عذر مشغول هاد ما بفهمه، اذا ما رن على طول بطنشه ساعة 2 ، 3 وبعدين برجع برن واذا لقيته مغلق او مارد بحرق موبايله من كتر الرن.. هاد هبل البنات..

انا معك صح الرجال بحب انو يشعر ويحس بالقوة بس كمان المرأة (بحكي عن حالي) ما بتحب تحس حالها دايما انها الطرف الضعيف ومهمتها بالحياة بس ارضاء الرجل والسير على هواه.. تعرف والله حتى هلا مرات بزعل منه (زوجي) عشغلات تافهة مرات منها اني بحس بقله اهتمام ما بروح احكيله مباشرة لا، بصير اعاند فيه واستفز فيه..
بس طبعا بحاول اغير هالعادة البشعة فيي، بس والله كل شي واله لذه وطعمه.. تعرف والله مرات بحكي لازم كل خطيبة تجنن خطيبها خلي يعرف قيمتها وانه مش بسهولة حصل عليها..

والله حاسة ايامكم مع بعض حتكون حلوة بجد لانكم ال2 بتحبو بعض لا والله وبتوتو ببعض وانت ماشالله عليك متفهم،

يا اخي والله كمان شوي شهر شهرين البنت رح تتعلق فيك اكتر وبعدين رح تحكي آآآآآآآآآآآآآخ كنا بالاول ما احلانا.. لانها حتصرعك وحتدبحك اذا جبت سيرة البنت.. لك انا هلا اذا زوجي صف سيارته او حكى مع وحدة حتى بالشغل بصير اتدلع علية واضربة، زي الاولاد الصغار.. لذلك حتى لما احكيله روح تزوج اعمل شو مابدك الله معك ولا بهمني... بحكيلي "يلعن ابو اللي صدقك.."

وجعتلك راسك... شوي بحكي عنك انت وخطيبتك وشوي بحكي عن حالي...

هاد بس لأبينلك انو عادي لا تحمل الموضوع ولا تعطيه اكبر من حجمه.. هي لساتها ما بتعرف طبعك مزبوط.. خليها تاخد وجه عليك تتعود عليك تتعرف عليك انت ك إنت.. تعرف شخصيتك شو بتحب وشو بتكره.. شوي شوي عليها..

تذكرت شغله... انت كتبت مرة انك بتزعل لما تحكيلك زهقت وانت بتحكيلها عن اهلك وكيف بدك اياها تعاملهم وهيك... بس اتوقع 90% هي حكتلك هيك بها اياك تغير الموضوع لموضوع حب وغرام وغزل يعني شي خاص فيك انت واياها بس، ما بدها تضيع المكالمه على اهلي واهلك.. (انا ما كنت احب يحكيلي بدي تعملي مع امي هيك ومع ابوي هيك..)

والله يسعدكم ويعينك عتحملك الجفا عنها مكالمتين تلات..