منتدى عالم الأسرة والمجتمع - عرض مشاركة واحدة - [ صـغار قلوبنا بيضـا نعيش بعالمٍ محـصـــور ~ دعـوه لكشف المستـوور :D

08-03-2010, 12:47 PM

dant!L ~}

عضو مثالي

تاريخ التسجيل: Jun 2009

المشاركات: 1,237

راح احكي عن طفولتي الي مادري وش تبي !

بس كلها مغامرات واشياء اذا تذكرتها اتعجب ..

اممممم طفولتي مقسمه على [ الرياض ومكه ] .. سكنا بالرياض لين خلصت الثانوي ..

كنا 4 بنتين وولدين ! تقدرون تقولون انه طلعنا الشيب بعين امي !

واصلا مااذكر بعد ماكبرنا مروا اخواني الي بعدنا بطفوله .. احس طفولتنا كانت احلى منهم مادري ليش !

الأربعه كنا مع بعض متهورين ..بس العابنا بريئه ..

بالرياض ماكنا نعرف الشارع مررره حدنا عند باب بيتنا .. واذا حسينا بالملل ننادي جيرانا عندنا ..

الله يذكرهم بالخير ,,,,

البانيو صديقنا الصدووووق والي ناخذ علقات جامده بسببه بس مانتوب ههههههههه مشكله الي مخلف عيال مجانين

تخيلوا امي تنام وقت الظهر بعد ماتغدينا وتنظف البيت ..

اول ماتدخل نعبي البانيو مويـه وندخل الأربعه كلنا هالبانيووو وهاتك لعب وطرطشه ..

تخيلوا بس وش وضع البيت بعد هالحووسه !! شي يقرررف والبيت كله مويه لأنه كل شوي واحد فينا يطلع يجيب العابه ولا يجيب اكل << لاتستغربون نبي نسـوي اي شي غريب

،

صار فيني موقف !

اختي الي اصغر مني حبت تمزح معاي .

وغطست راسي بالبانيـو يمااااااااااااه

كنت بموووووت ... طبعا هي على بالها تمزح بس يوم رفعت راسي ............... طوووووط << مشفر ..

اتوقع انها تابت بعد هالموقف هههههههههههه

,

اممممممم اذا حبينا نكون عاقلين دخلنا المقلط وجمعنا كل المسـاند وحطيناه على شكل بيت .. هههههههههههههههه << تذكرت الموقف

وكنا ندخل واحد من اخواني جوا البيت .. ونجي الباقي كلنا فوق المساند وهو تحتنا .. ونقعد نتحرك لين يطيح عليه البيت ههههههههههههه << عاهات هههههههههه

اجمل لعبه نلعبها مع البنات هي طبعا بلا منازع ................> ( حــــــــريم

)

نجمع بعبايات امهاتنا وندخل غرفه ونلعب ونعيش الجووو ونختار زوجنا << طبعا من البنات ..

واسمعوا بس السوالف .. مره تهورنا وطلعنا السطح ..

اممم ماعجبنا يمكن [

]

قررنا نطلع فوق السطح وش اسمه ذاك المكان ! لي فيه الخزان ونحط فووقه اريل التلفزيون << ياقدمك هههههههههه

ايه كنا بكل ثقه نرقى على السلم .. ونطلع لهالمكان .. مكان مررررررررعب بس بوقتها كان ونااااااااااسه ..

سبحان الله ربي ستر علينا لأنه مافي سـووور ولو وحده بس رجعت على ورا تطيح ومايردها الا الحجار والتراب الي بالشارع ..

,

كنا نلعب الملكه وانعيش جوو اني انا ملكه واخواني يشتغلون عندي هههههههههه << والله معاناه ..

طبعا عسكري حرامي .. احلى لعبه مع بنات عمي ..

فيه موقف نذاله سويته ببنت عمي والى يومكم مااااااااتنساه حقووده الدوووبا ..

مره كنت مسـويه كبيره عليها وقاعده امشط شعرها بالفرشه .. وسويت اني معصبه وهي بس تتحرك ..

قمت ضربتها بالفرشه على فمها ههههههههههههههههه والله رحمتها المشكله انها تذكر الموقف ..

ومره ضربت ولد جيرانا بحجره كبيره وماوقعت الا براسه ههههههههه طبعا هو غلط علي وحبيت اردها له ..

طفولتنا بمكـه .. << مانعرف مكه الا بالصيف او رمضان لأن جداني بمكه ..

من يوم نجي .. عالشارع على طول << واضح انهم محرومين من الشارع بالرياض

ولعب بهالشارع مع عيال الحاره .. واحلى شي اول مانجي ...كان ومازال عند جدي بقاله .. من يوم مانروح له

يدخلنا نشتري اي شي .. وببلاش .. ونااااااااااسه

وناخذه ونطلع عالوانيت حقه ههههههههه << يالبى الوانيت الى الآن عند جدي

ويالله هاتك لعب بهالشارع وبالقوه ندخل بعد ماتطلع امي تجمعنا من برا ...

طبعا وبلا اي منازع ( هـايدي - سالي - ليدي ) << اكثر افلام ىالكارتون الي حبيتها ..

ليـدي كانت تكسـر خاطري هي و سالي .. حرام وربي مأســــــاه

خلاص اكتفي بهالفضايح .. والسوالف ... يمكن تجي سوالف مع ردودكم ..

,

الصور المرسومة لذوات الأرواح مخالفه

.. الإشراف ..

__________________
{ احبــــ

ـــكم بلا استثنـاء ~

التعديل الأخير تم بواسطة مُنتهـى ; 09-03-2010 الساعة 08:53 PM السبب: حذف الرسوم