روح نقلت لك هذه المعلومات اتمنى تستفيدي ربي يفرحك و يرزقك الحمل السليم الثابت هذا الشهر يا رب قولي يا رب
اسم الجهاز Clearblue Ovulation Test
الجهاز عباره عن اداه بيضاء طويله و ٧ شرائح للفحص (وفي جهاز مع شريحه وحده بس)
استخدام جهاز التبويض الديجيتال اسهل بوايد عن العادي (كلهم ماركة كلير بلو) بس الدجتال اغلى.. لانه يطلع ويه مبتسم اذا كنتي في فترة الاباضه اما العادي فيبين لج خط ازرق ولازم تحكمين على درجة اللون وهالشي متعب ومب كل حد يميز درجات الالوان..
النقطه المهم جدا جدا جدا هي لازم تعرفين طول الدوره عندج.. لانهم حاطين جدول صغير في الليفلت (الورقه المرفقه بالعبوه) تبين لج في اي يوم بيكون الاباضه بناء على طول الدوره.. مثال اذا كان طول الدوره ٢٨ يوم فافحصي من اليوم ال١١من بداية الدوره.. بتلاقين في الصفحه الاولى في النشره المرفقه بالجهاز جدول ارقام فوق بعضها هي اللي تحدد طول الدوره وفي اي يوم تسوين الفحص
عقب..تأكدي ان الجهاز يشتغل حسب الوصف المرفق واستخدميه.. اذا طلع لج الويه المبتسم بيكون عليج انج تشدين حيلج خلال ال٤٨ ساعه .. وهالشي ما يمنع انه قد يكون في مفعول لاحق يعني جربوا مدة ٦ ايام.. و كل شي بيد الله سبحانه
طبعا في ٧ عبوات (شرائح) اختبار مع الجهاز الدجتال عشان تجربين من اول يوم ينصحونج به (حسب الجدول السابق) بس اذا ما طلع الهابي فيس سوي اليوم اللي عقبه واللي عقبه لين يطلع الهبي فيس
للاسف ما لقيت صيدليه تبيع الشرايح بس برا يبيعون.. يعني اللي تسافر بتلاقي.. خصوصا بريطانيا
وممكن تشيكين مع الصيدليات الكبيره مثل ابن سينا ممكن يوفرون الشرايح لج..
اذا كان يوم اباضه بيطلع لج ويه مبتسم:
واذا ما كان يوم اباضه بتطلع دائره فاضيه:
بالتوفيق يا روووووووووووووووووووووووووح
__________________
اللهم يا مسهل الشديد ويا ملين الحديد ويا منجز الوعيد ويا من هو كل يوم في أمر جديد أخرجني من حلق الضيق إلى أوسع الطريق بك ادفع ما لا أطيق ولا حول ولا قوة إلا بالله العلي العظيم