السلام عليكم ورحمة الله وبركاته ..
حياكن الله ...
أولا أعتذر على التأخير مريت بأمور الله الحمد عدت على خير ونعمة ..
وبعدين قويت نفسي ورجعت لكم ..
وتذكروني بدعواتكم يالغالين زي 
..
اقتباس:
المشاركة الأصلية كتبت بواسطة جداوية و أفتخر
سبحان الله حتى أنا تعودت تكوني دائما قوية
يوم قرأت معرفك إستغربت والله لكن هذه الدنيا للأسف الكل يشكي منها
ما في أحد مرتاح
لكن هونيها و تهون
الله يرزقك الزوج الصالح اللي يسمع لك و يكون لك خير معين و تتخرجي قريبا بإمتياز و تبشرينا بالإثنين و نفرح معك
|
آآمين يارب يارب.. ويحقق لك كل اللى تتمنيه في رضاه ..
وشكرا جزيلاً ..
وأنا كمان استغربت من استغرابك هل غرابتك جاءت كوني دكتورة مثلا ؟؟
بس ماألومك يمكن لأن الناس تعودت تروح للدكتور وتشتكي هي والدكتور يسمع ..
بس أنا هنا أختكم صح قبل أن أكون أي شيء ثاني وأحتاج أفضفض وأحد يسمعني من البشر وأحتاج تنوروني بمشاركاتكم والأهم دعواتكم بظهر الغيب علشان الملائكة تقول لكم ولكم بالمثل ..مو صح ؟
اقتباس:
المشاركة الأصلية كتبت بواسطة gbakry
يارب يرزقك بزوج حنين يعوضك وذريه صلحه تعينك على الحياه وتكون سند لك فى الدنيا وسبب دخولك الجنه
|
آآآمين يارب يارب..
ويدخل لك جنته برحمته أرحم الرحمين ..
وشكرا جزيلاً ..
اقتباس:
المشاركة الأصلية كتبت بواسطة انتظار الفرج
انتِ مو لحالك
وحنا وين؟؟
مو حنا اخواتك في الله
إلا أفااا ..
أخواتي وأحبكم في الله كمان ..
فانتبهي تحزنين او تزعلين لأننا نحزن ونزعل معك
{ مثل المؤمنين في توادهم وتراحمهم وتعاطفهم مثل الجسد إذا اشتكى شيئا تداعى له سائر الجسد بالسهر والحمى }
ياقلبي مررره شكرا ..
فعلاً والله ،،والله يجعلنا دائما كذا ولا يحرمنا من بعض ..
الجنة بدون الناس ماتنداس ..
على فكرة توني اسمع انشودة سمير البشيري روووعة
تعرفي شريطه أجامل فيه أناشيد مرره حلوه زي ياصلاتي والقرآن..
|
اقتباس:
المشاركة الأصلية كتبت بواسطة Ms. Blue
.. أنا من بعد ما قرأت قصتك .. قمت أحضن بنتي وادللها أكثر , صرت اخاف يكون شعورها مثلك لما تكبر ,, خصوصا انها ( حساسه ) بزيادة و ( مرهفة الحس ) ..
ربي يجزاكِ خير على كل اللى تعطيه لبنتك ..
ترى مررره فرحتيني ..
لأن فضفضاتي كان لها هدف أن الأمهات تشعر ببناتها ولاتهمل جانب كثير مايعطوه أي أهمية ..
وأنتي كذا
و البنت كل ماكبرت كل مااحتاجت إلى هذه المشاعر أكثر لأنها تفهم أكثر وتحس أكثر و راح تكون عرضه أكثر وأكثر بأن تجد من يستغل هذا الفقد وتكون ضحية سهلة فأيدي البشر من الجنسين وتجلس تتخبط في الدنيا يمين ويسار لأن الإستقرار والآمان مهم علشان الإنسان يعيش براحة وسعادة ويكون أكثر عطاء وإبداع..
.. دايم تقول ماما أحضنيني , مع اني مو مقصره معاها , وساعات تطلب مني اني اجلس معاها , مع انها بتنشغل بالتفاز بس المهم عندها اني اكون قريبه منها ..
ربي يأجرك يارب .. وتذكري هذا الشيء دائماً "الأجر" ولما ربي يسألك عن رعيتك يوم القيامة تكوني ماقصرتي اتجاهها بأي شيء وأعطتيها على قدر ماتقدري ..
.. بس من جد امك لازم تعرف شعورك هذا .. وتفهم انك مهما كبرتي , تظلين تحتاجين لبوسه على خدك , على مسحه بيدها على راسك , لحضن دافي , كلميها وقولي لها , انك ماراح تقدري تعطي عيالك الحنان والدفأ دام انك فاقدته ( فاقد الشيء لا يعطيه ) ..
أنا لاأمن بالمثل السابق وبإذن الله تعالى أكون قادرة على العطاء وأن أعيش كل التفاصيل اللى إنحرمت منها معهم وربي يقدرني على كذا ..
مامتي كلمتها بطرق عدة إلا الصريحة يعني ماقلتها أنا محتاجة حنانك مثلا،، لكن قلت لها مثلا أن الفلوس موشيء مهم عندي وأنها موكل شيء وهي ماتجيب السعادة ولاالراحة وكذا ..
الصريحة إلى الآن لم أستطع ولم أتجرأ ساعات أخاف أضايقها ..
.. مشكلتنا احنا الامهات مو كل الامهات طبعا , انه نفكر انه لما يكبروا العيال , خلاص ما يحتاجوا لمثل هذه الامور , او نخجل
ندللهم وهم بنفس طولنا ههههه
.. ويمكن لانه امك شايفتك انك كبيرة , وقريب تصيري دكتوره ( ماشاء الله ) , فهي تظن انك قويه ومعتمده على نفسك , لذلك لا حتاجين منها اي حنان وحب ..
بس هذا الشيء من زمان وأنا في الإبتدائية إذا ماكان أقل من كذا وأنا أشعر بهذا الفقد ..
.. بس ما يمنع انك تخبريها بشعورك , دقي عليها باب غرفتها , وادخلي , وقولي لها ( يمه انه محتاجه انك تحضنيني ) وأرمي نفسك بحضنها , ما أعتقد انها راح تصدك ..
ماأقدر ..
وكما ذكرت سابقا هي صدتني مرتين وصدها أثر على مرره ،، لدرجة لوأني تجرأت أبغى أعملها وأستعد لذلك قبلها لما أكون قدامها أبطل وأقول خلاص ماني محتاجة شيء ..
..
الله يوفقك بدراستك وتصيري دكتوره وترفعي راس امك فيكي , وتعالجينا مجانا ^_^
,, اسئل الله انه يحنن قلب الماما عليكي ..
آآمين يارب ..
ترى أحس مامتي قلبها حنون حتى والكل يعلق كذا بس ماأدري على أي أساس بس يقولوا إحساس لكن ماتعطي ماتعطي ..والحمد الله على كل حال ..
|
أكرر شكري وجزاكم الله خير ..
( عزيزتي وردة بين الثلوج تم وضع رسالة بإسمك )