منتدى عالم الأسرة والمجتمع - عرض مشاركة واحدة - [ صـغار قلوبنا بيضـا نعيش بعالمٍ محـصـــور ~ دعـوه لكشف المستـوور :D

10-03-2010, 02:11 AM

gawlp

كبار شخصيات المنتدى

تاريخ التسجيل: Aug 2007

المشاركات: 3,942

الله يسعدك يا دانتيل على هالموضوع ..

يهبببببل ..ضحكتوني الله يسعدكم ...

طفولتي مثل طفولتكم والعابي نفس العابكم ..حريم ,,زواج ..تشجيع كورة لعيال الحارة ,, مطاردة الدجاج

اما اللعبة المفضلة عندي النفاس ..اتذكر كنا نروح مع امي اخر الاسبوع عند بيت جدي ..وبنات خالي الكبير يفرحون فينا مع انا صغاار عنهم ..
ونلعب لعبة النفاس وانا النفاس والباقي يجون يزوروني
اما المولود ناخذ ماعز صغير ونلفه بشرشف الصلاة وهو يا حليله يستسلم ويتمدد جنبي ..الحين اتذكر واقول كيف كانت عندي هالجرأة ,,

ولي موقف كمان مع الكلاب ..مرة امي ارسلتني لبيت خالي بخبز ..ولما وصلت عندهم كان كلبهم مفلوت مو رابطينه ..ولحق وراي وانا اجري زي المجنونة ..والخبز في يدي ما عرفت ارميه .. لقيت بيت في الطريق بابه مفتوح دخلته وقفلت الباب حتى راح الكلب وبعدها رجعت البيت والخبز في يدي وأهل البيت ما جابوا خبري ..

كمان من الالعاب المفضلة نركب في قلاب خالي ونتمسك ونطلب منه يرفع الحوض وتشوف من البطلة اللي ما تطيح
عاد شوفي الرجول وهي تقاوم الزحلقة

السيرلاك كنا مدمنينه امان غير عادي ..ابويه لما نجيب التقرير الشهري يدينا مكافأة 10 ريال وعلى طول على البقالة نشتري السيرلاك بـ9 والريال حلاوى مصاص غندور ..

اما افلام الكرتون سالي وماركو يا كم بكينا عليهم
وهايدي .. وقرية التوت ..وافلام كرتون اللي في الصباح الساعة 10 ..قمة الاستمتاع لما نجلس ننتظر العد التنازلي قبل ما يفتح التلفزيون والنشيد الوطني ..

الله يسعدك دانتيل على هالموضوع والله من جد احس اطفال هالزمن ما يستمتعون زي استمتاعنا زمان ..