المشاركة الأصلية كتبت بواسطة flouna

حبيباتى كيف احوالكم .....أن شاء الله تكونوا بخير ومبسوطين ....فلافل ربنا يطمنك ويكون حمل يارب
اما عنى فلا جديد سوى ان الدوره بعد ما خلصت رجعت جات تانى بعد عشر أيام من بدايتها بس دم فاتح جدا وسبقه بكام يوم أفرازت وردى او بيج والم الدوره البشع طبعا...مش عارفه ايه ده اول مره يحصلى ...خايفه يكون شئ سئ
مش عاوزه احزن تانى بعد ما بدأت أستقر نفسيا بعد زيارتى للدكتور الشهر الماضى وبعد تحاليل مزرعه الافرازت وتحليل بعد الجماع كنت قلت خلاص انا كده خلصت كل شئ والدوره منتظمه جدا والحمد لله وسوف انتظر الحمل بحاله نفسيه مستقره لاننى أطمئنيت على نفسى

لكن تاتى الرياح بما لاتشتهى السفن الحمد لله على كل شئ بس انا خايفه جدا يا بنات يكون فى حاجه وحشه لا قدر الله ...مع انى الشهر الماضى عملت سونار مهبلى وكان كل شئ تمام والرحم سليم تماما والمبايض ..تفتكروا لو كان فى شئ وحش ممكن ييظهر بالسرعه دى يعنى فى خلال شهر يتكون لا قدر الله شئ...لانى بعرف ان هذا الشئ بيعمل دوره كتير ..
او يمكن لانى اول مر تحصلى أتخضيت على نفسى مبقتش عارفه دى لخبطه هرمونات ولا ايه

محتاجه دعواتكم يا بنات نفسيتى تحت الصفر وخايفه بل مرعوبه ادخل فى دوامات اخرى اكبر ..حاسه انى مخنوقه جدا ..لدرجه انى امس من كتر توترى وبكائى احسست يشده فى الاعصاب فى اعصاب يدى ورجلى ...فعنفنى زوجى بشده وقالى حرام عليكى اللى بتعمليه فى نفسك ده .. بس غصب عنى انا كمان قلوقه كتير فى موضوع الحمل بالذات انتوا عافين احنا بنخاف على نفسنا وبنحاول نصلح الامور بقدر المستطاع عشان يحصل الحمل الطبيعى.....لما يجى شئ فجأه يغير لك أطمئنانك ده على نفسك اكيد هاحس طبعا بالأحباط مره تانى واخاف ادخل بمشاكل اخرى ..زوجى مش فاهم كده طبعا أسأل الله ان يهديلى زوجى ويهدينى له
الحمد لله على كل شئ محتاجه كل دعوه منكم ...بحبكوا جميييعا فى الله