.. الله يعين بنتك .. بس انتي حاولي تهوني عليها الأمر .. واوعديها انك تاخذيها بالاجازة لزياره صديقتها , وأقنعيها انك راح تخليها تكلمها جوال بكل مره تشتاق لها , وانها تكلمها مسنجر كل يوم بس تخلص واجباتها , وبعدين شوي شوي , بنتك راح تتفاعل مع المجتمع المدرسي الجديد , وراح تكون صداقات كثيره ..
.. اما عن السكن في بيت زوجك .. هل يوجد مكان واسع يسعكم انتي واطفالك وغراضكم ؟؟
يعني على الاقل تحتاجون ثلاث غرف لك ولاطفالك , وتحتاجون دورتين مياه , ومطبخ صغير , وصالة للمعيشه ومشاهدة التلفاز ..
هل يوجد هذا المكان في بيت زوجك؟؟
والافضل ان يكون مستقل عنهم .. يعني باب الدخول والخروج يكون بعيد عن الانظار ..
اذا تواجد هذا المكان , فاذهبي لبيت زوجك , لانك راح تكوني مستقله وكانك في شقه للايجار .. ومنها كمان تكوني قريبه من اهل زوجك , يتعرفوا عيالك على عمامهم , ويتفاعلوا مع عائله ابوهم , ولما تحتاجي مستشفى او شيء يكون هناك من يعينك ويساعدك ..
اما اذا زوجك راح يحطك في غرفه صغيره ودوره مياه .. راح تعيشين الويل , وماراح تاخذي راحتك , وراح تبدأي تملي وتشتكي لزوجك , وتكثر المشاكل ..
.. اقنعي زوجك انك تعيشي قرييب منه هو , يعني يلاقي لكم مكان بمكان مقر عمله .. ما أؤيد ابتعاد رب الاسره عن اسرته ..
.. الله ييسر امورك ..