حياك الله اخوي ابو الندى
شي غريب بعد كل هالسنوات والاطفال
توك تحكي توك تفكر بوضعك ..
عموما .. انت باختصار ذكرت
ان الي ضايقك منها :
1- رسالة الايميل من خطيبها السابق
2- عرفت ان كان بينهم تفاهم وحب
3- كلمتها لك عن علاقتكم الخاصة
هو صح شي يضايق انه يرسل
لها .. لكن .. ماهو ذنبها ماهي هي الي قالت
له راسلني .. ولا هي حتى الي ارسلت له
تخيل لا قدر الله انها هي الي مراسلته ..
وش بيكون شعورك ؟؟
ثانيا .. اكتشفت ان بينهم حب او ايا ما كانت
المشاعر .. طيب ؟؟ هل يعني ذلك انه لا زال
ببالها ؟؟ مو بالضرورة ..
ثالثا .. كلمتها الي ضايقتك بخصوص العلاقة
الخاصة .. ولا كانك سمعت .. لان بكل بساطة
اذا هي مرتاحة وانت مرتاح وبينكم انسجام
بالعلاقة الخاصة .. فاحمد لله ولا تخلي هالكلمة
تهدم انسجامكم ..
بالمختصر اخوي .. انت جمعت هالادلة الثلاث
عشان تقنع نفسك ان زوجتك بحياتها او تفكيرها
رجل ثاني .. انا اقول لك : غلط .. رسالة الايميل
ماهي دليل .. لانها ماهي منها .. الحب القديم
شي اندفن ومات .. خصوصا وانها انقطعت علاقتها فيه
الكلمة الي ضايقتك .. مالها علاقة ابد ..
حاليا حاول تبعد عنها كم اسبوع
عشان تقدر ترتب امورك بينك وبين نفسك
وتحاول تقرب المسافات بينكم
اخوي هذا واجبنا كلنا المفروض نكون دايما
نقرب المسافات بيننا وبين ازواجنا مو نبعدها !
وزيادة حاول تجدد حياتك معها
لان اتوقع انت لك على الاقل اربع سنوات متزوج
بعد هالسنوات اكيد كل زوجين بحاجة
للتجديد والتغيير بنمط حياتهم ولا قتلت
الروتينية كل شي حلو ..
اتمنى لك كل التوفيق
__________________
شتان .. بين من تسيره مبادئه ، ومن تسيره مصالحه
التعديل الأخير تم بواسطة روعة المعنى ; 11-03-2010 الساعة 01:23 AM