أزيكم يا بنات يااارب يكون الجميع بخير ....فلافل حبيبتى ما تزعلى الحمد لله على كل شئ واهم شئ على حد قولك انك اطمئنيتى على نفسك ...والحمل كل شهر بيعدى بدون حمل بيقربنا من الحمل أكثر واكثر على رأى أخواتنا
كوكار حبيبتى وعاشقه الطفوله ومشاميشو شكرا لردكم قوى قوى ...انا رحت عن الطبيب بس للأسف مش طبيبى لانى ساكنه فى منطقه بعيده وميعادى مع طبيبى ليس الان غير انه فى مركز طبعا والحجز يعنى المسأله مستحيله فى وقت قصير
المهم ذهبت لطبيب يسكن بجانبنا وعملى سونار بطنى قالى فى تبويض كويس..لكن فى شئ أسود فى الرحم ممكن يكون تجمع دموى والدوره هتنزل تانى ...مضحكش عليكوا قلقت جدا ...لكن طمنت نفسى انى الحمد لله الشهر الماضى كنت عامله سونار مهبلى كمان والرحم كان سليم
المهم روحت البيت لقيت دم فعلا أحمر دى اول مره اشوف دم احمر من ساعت من الافارازت الوردى بدأت تيجى وأكتشفت بعض الحبوب فى وجهى ...والم الدوره . وروحت اتخانقت مع زوجى بدون سبب وعندى عصبيه خلاص عرفت انها دوره...ومن شويه لقيت الدم غامق جدا أسود تقريبا ...كأنه دم مركون فى فتره فى الرحم ..أطمنتن ان اكيد ده التجمع الدموى الاسود اللى شافه فى السونار البطنى
بصراحه لحد دلوقتى مش فاهمه ايه اللى بيحصلى لانى الحمد لله دورتى مظبوطه جدا جدا ...الطبيب قالى ممكن الدوره اتلخبطت لظروف تغير الجو المفاجئ أو الحاله النفسيه او الزعل ...
المهم أعتبرت طبعا ان اليوم ده هو اول يوم دوره وهو اليوم (15) للدوره الاولى لانى لما رجعت بيتى ونزل الدم كلمته تليفونيا وبلغته قالى تبقى الدوره
الحمد لله نفسيتى هدات شويه ...طبعا زعلانه من اللخبطه اللى حصلت فى الدوره يارب الشهر القادم ترجع لطبيعتها
ادعولى أخلص منها بقى بقالى فتره مش بصلى تقريبا الاسبوعين صليت فيهم يومين او تلاته وبدات الافرازات افتكرتها دوره وتوقفت عن الصلاه عشان كده الظاهر نفسيتى سيئه ...ربنا يرزقنا جميعا يا بنات ويفك كربنا باذنه
عاوزه اقول ل روح خليكى جامده شويه وربنا معاكى ويفك كربك ..
يا بنات فين دودى مش موجوده بقالها فتره ...لعل المانع خير ..._ حلمى والزاجله وغلا جلاجل .وزهوووووور ومنى و بسمه وسعود ويورنا ومنور وكل البنات ربنا يطمنكوا ويبعد عنكوا كل شر ويسعدكم فى الدنيا والاخر
__________________
التعديل الأخير تم بواسطة flouna ; 11-03-2010 الساعة 03:12 AM