أخوي للأسف إنت تبغى سبب عشان تتركها لإنك مثل ماتفضلت ماأقتنعت بها
والمثل يقول حبيبك تاكل له الزلط وعدوك تتمنى له الغلط
فأتقي الله فصدقني شعرت من كلامك وأنا متيقنة من شعوري إنها ماتركت البيت إلا بعد مافاض بها الكيل من كثر إنتقاداتك لها وتجريحك وهي صابرة ومتحملة
والطبخة كانت الفتيل إللى فجر أحاسيسها الكامنة في قلبها
أخوي خليك واقعي وشجاع وأعترف ولا تكابر إنك أنت السبب في إللى صار بينكم وهذا شيء وااااااااااضح جداااااا
فبنت الحلال ماقصرت طاعتك وطبخت الأكلة إللى أنت طلبتها
ولو إنها عصتك وماطبختها فيحق لك تزعل منها
بس هي طبختها طاعة لأمرك ومسكينة ماعرفت تسويها تمام فهل هذا جزاء طاعتها لك؟؟
والله العظيم حرام عليك فياما طبخنا أول زواجنا ولمدة طويلة الأكل مرة نيء ومرة محروق ومرة ماااااالح وزوجي الله يحفظه يشجعني ويمدح ويقول لي ملاحظاته بأسلوب حنون إنه المرة الجاية خليه يطول على النار أو قللي الملح
والحين ولله الحمد طباخة درجة أولى ويتباهى امام أصحابه بطبخي
فيااخي الكريم والله لو أنت أقتنعت بها تمام كان عاملتها بحنية وحنان
واسأل نفسك هل ترضى أختك زوجها يسوي فيها كذا؟؟
وهل بتظن إنك بتسعد في زواجك الثاني وأنت ظالم بنت الناس؟؟
يااخوي والله أهلها مابيقفون معاها إلا لإنها ذاقت المر منك وتعبت نفسيتها
فلاتزيد الطين بلة بزواجك الثاني وتترك طفلك
وصدقني لو ملئت قلبك بحبها بتتغير أحوالك وبترجع لك بإذن الله
بس لازم تحس الصدق من كلامك
لإن زواجك الثاني أكبر دليل على إنك بايعها
فأتقي الله إتقي الله إتقي الله فالدنيا سلف ودين وإذا ظلمت بنت الناس بيجي يوم تنظلم بنتك قدام عيونك من زوجها وينحرق قلبك مثل ماحرقت قلب أهلها عليها.
__________________
