الالسلام عليكم ورحمة الله وبركاته
أخواني واخواتي انا عندي مشكله وابيكم تساعدوني الله يخليكم
مره من المرات فتحت جوال زوجي ولقيت عنده رقم خذيت الرقم ودقيت صارت حرمه المهم واجهت زوجي
قالي هذا صديقي دق من جوالي وكلمها وحلف وقسم بالله انها مايعرفها وحلف براس عيالي وقالي اذا انتي مو مصدقه دقي عليها واساليها اذا انا اعرفها وصارت بينا مشكله ودخلت اهلي بالسالفه وكنت بطلع من بيتي بس هو رفض قال لاهلي انا احبها وشاريها وحلف لهم انه مايعرفها بس انا ماصدقت قالي خلي احد من اهلك يدق يسالها اذا انا اعرفها قلت له الحل الوحيد هوانك تحلف على المصحف وحلف على المصحف انه مايعرفها ولا له دخل وقسم وحلف على المصحف انه مايناظر غيري مع العلم ان زوجي يخاف الله ومحافظ على الصلوات في اوقاتها ويصلي الوتر ويقول الاذكار
مؤمن بان الخيانه مصيره الله يبلاه باقرب الناس له دايم يقول لي قصص عن ذا الاشياء والمشكله انه مايتاخر برا البيت واخلاقه معي حلوه واهلي يقولون عطيه فرصه لانه حلف على المصحف وثاني شي الرجال شاريك وانا ضايق صدري ونفسيتي تعبانه مررررره والشك مسيطر على مخي
وانتم وش رايكم بمشكلتي اتمنى انكم تساعدوني
حسبي الله ونعم الوكيل الله لايوفق الي كان السبب
اختكم سفيرة الجروح