اخي بدي اناقشك بالمشكلة بالتدريج
بالنسبة للمتقدم السابق، هل ردت عليه؟؟؟ هل تتواصل معه؟؟ هاد اللي لازم تركز عليه، انت ما تشغل بالك باللي كانت عليه قبل ارتباطكم لانو لو هيك الوضع، كان لازم كل زوج يكون مع زوجتو ويراقبها من يوم ما انولدت، وهاد مستحيل، تابع هل تتواصل معو من جهتها ولا لأ
اما بالنسبة لكلامها معك عن شو اللي بعمل متعة اكتر وهالكلام، فهي عفوا وما تزعل مني كلمتها بتدل على غباءها وعدم ادراكها لكلامها ولعواقبه، بس هل هي بتحكي هيك لانها لا سمح الله بتشاهد افلام( اعوذ بالله) او بتقرا عن هيك مواضيع، او لا قدر الله كان في علاقة مع حدا قبلك( وانا بستبعد هالشي بس بناقش كل الاحتمالات) ايا يكن مصدر معرفتها مابسير تحكيلك هالكلمة لانو كل وحدة فينا تزوجت زوجها واللي كان كان، بعيوبو ومحاسنو هو هيك، وهادا الشي من ربنا وارزاق ومقسومة، مش كل وحدة بتفصل زوجها عكيفها، هي مش كاملة كمان وما حدا كامل، المهم الحب والاحترام والاستقرار والسكينة في بيت كلو مودة وحب.
اخيرا يا اخي فكر بالاولاد، انهم يكونو لحالهم مع هيك ام ممكن يضيعو، لانو واضح انها مش مرتبة اولوياتها كتير، استحمل عشانهم للحد اللي هي ما بتغلط فيه بحقك وطالما انها صاينة بيتك طول بالك عليها، وتأكد من الامر وخرجو من دائرة الشكوك، يمكن يكون كل اللي بنحكيه ظلم في حقها لا سمح الله، وما بتجاوز الموضوع الا انو عدم حكمة منها وعدم انتقاء ومراقبة للكلمات، هي يمكن بتحكي معك على اعتبار انو الامور بينكم مفتوحة ومافي حرج، وانت الوحيد اللي بتقدر تقرر هالشي وتقيمه، وابدا مش دليل على شي يخليك تنفر منها، الله يهديك للصواب