منتدى عالم الأسرة والمجتمع - عرض مشاركة واحدة - عاشقات حلم الامومة ( يناير-ابريل)

14-03-2010, 01:04 PM

مُنتهـى

كبار شخصيات المنتدى

تاريخ التسجيل: Apr 2009

المشاركات: 1,629

حبيبتي واحة مصر

ما قدرت أرد على موضوعك في العيادة لأنه المفروض الدكتورة فقط هي اللي ترد عليك

بس حابة أطمنك وأقولك انتي حاااااااااااااااااااااااااااااامل ألف ألف مبروك الله يثبتلك جنينك ويقومك بالسلامة

وانا أكيدة من هالكلام

عارفه ليش ..!!!

المفروض الطبيبة ما تقولك عيدي التحليل ومافي حمل ومادري ايش !!

أستغرب من بعض الطبيبات ...!!

بما ان فحص الدم موجب .... خلاص ابصمي بالعشرة انك حامل .. والأفضل كنتي سويتي فحص هرموني للحمل (اللي تكلمت عنه بتوقيعي)

عشان تعرفي انتي في أي اسبوع !!

احتمال كبير الحمل صار متأخر ولسه مو مبين .. تصير لنساء كثيرات ... وأحيانا سبحان الله الحمل ما يبان على طول

أحيانا يبدأ يبان في الأسبوع السادس أو السابع فقط تخيلي ...

نصيحتي روحي لأكثر من دكتورة وخليك هادية وريلاكس خلاص انتي حامل .... !!! فرفشي وافرحي واهتمي بنفسك

^_^

وعشان أأكدلك كلامي رح أقولك عن أختي الكبيرة ..

تأخرت دورتها أسبوعين .. سوت فحص منزلي طلع موجب .. راحت المستشفى ثاني يوم وسوت فحص هرموني

طلع عندها الهرمون عالي يعني ماشاءالله داخلة الأسبوع السادس تقريبا ..

المهم .. لما جت الدكتورة تشوفها ألتراساوند .. تقولها مافي جنين .... قالتلها أكيد خارج الرحم ولازم عملية ... تخيلي!!!

أختي قالتلها لا ما بسوي عمليه دامكم مو شايفينه !! وشوفي رد الدكتورة تقولها احنا بنفتح ونشوف هو أكيد خارج الرحم!!

لأنه مو مبين شي والهرمون عالي <<<<< حسيتها جزارة مو دكتورة

أختي وقعت تعهد بتحمل المسؤوليه وطلعت من المستشفى ... تقول احساسي كان اني حامل وحمل طبيعي

ثاني يوم راحت عيادة ثانيه ... وعلى طول الدكتورة قالتها مبروك الجنين مبين وواضح وقلبه يدق بنشاط

ونفس الموضوع صار لأخت صديقتي .. دورتها ما جت 3 شهور ,, سوت فحوصات دم ومنزليه وكلها سالبة سبحان الله
حتى الألتراساوند مو مبين شي .. بعدين غيرت طبيبتها ... واكتشفت انها حامل وداخلة الرابع .. مو مبالغه الله يشهد هذا كلام صديقتي ..

جهاز الألترا ساوند يختلف من يد ليد .. ومن طبيبة لطبيبة .. !!

انتي انتظري كم يوم وروحي لطبيبة ثانيه ... انا متفائلة عشانك وايد

^_^

موفقه

__________________
[IMG]http://im2.***********/2011-03-17/1300376250161.gif[/IMG]

طـريقك الشخصي الى الحمـل (1) (2)