السلام عيكم ورحمة الله

الله يعطيكم العافيه جميعا بدون استثناء على كلامكم الطيب

بس لي تعليق على شغلتين

السيف المهند ... الموضوع لأنه حساس مره وغريب و محزن .. صار زوجي مايعرف يفكر .. ظن ان الجار كارهه على اللي صار.. ما الومه .. اللي شافه مو شويه .. لكن بالعاده حسن الظن عنده يغلب السوء .. الا في هالموقف تلخبط


مس بلو.. تحفيظ القران .. جنبي مسجد بعيد شوي .. وفيه حلقه .. بس المدرس للأسف غليظ .. وماعنده اسلوب .. هو نفسه المؤذن و الامام والخطيب .. مو مخلي احد يشارك معاه في الاجر ابد ... بل ان اهل الحي اشتكوه يغيرونه .. ومدري وين راح وجاب ورقه بمنع تغييره .. بالمختصر فضيع


عموما الولد وابوه داوموا يوم السبت

نص الهم راح لما عرفت انهم داوموا .. سألت ولدي عنه قال عادي مافيه شي وهذا هو اليوم برضو جا ينادي ولدي علشان يلعبون كوره وناويه اقربهم من بعض اكثر واكثر علشان لا يتعقدون كلهم ولا يبقى بخواطرهم شي..

.. سألت زوجي عن جارنا قال متماسك جدا .. وكل ماشافني يقط علي دعوه بالخير ... والكل يقول وش عندكم ؟ وهم يكتفون بالضحك فقط .. ماعلموا احد على السالفه..

بس اللي يحز في الخاطر ... جارنا قال لزوجي على شغله .. يقول انه اشتكى من اللي صار على واحد من اخوياه المقربين جدا جدا جدا .. وفي نفس الوقت هو جار برضو في نفس الحاره .. بس معرفتهم ببعض قديمه جدا من ايام الدراسه.. يقول قلت له ان الولد دخن من باب تقليد الكبار وانه خرعه ووو... الجار وش قال له ؟؟؟؟؟؟؟؟


قال ادري .. اصلا شفته بس ماعلمتك!!!!!!!!
قال له الجار : ليه طيب؟ حرام عليك عارف وساكت؟ كنت ناوي تسكت على طول؟
قال ايه .. انتم اهل تتخالصون........
الجار قال له ..استحلفك باللي خلقك ماتعلم احد .. ومشكوووووووووووووور وماتقصر .. والله ماهقيتها منك يا خويي
قام زعلان وخلاه ...

قال لزوجي مصدوم منه خويي وسنين بينا وعيش وملح ومايعلم ؟
قال له ابو وليد لا تلومه الموقف صراحه يخربط اقدعها راجل .. وعموما هذا هو الولد الحمد لله لحقناه قبل لا يصير اي شي ثاني ( من خلال الكلام عرف زوجي ان الولد فعلا ما راح لأبعد من الدخان الحمد لله .. وهالصفه السيئه اكتسبها من عيال المدرسه .. وماكان في باله الا تقلليد لا اكثر ولا اقل .. و الهندي ولله الحمد موقوف بإنتظار التسفير والتهجير الى غير رجعه ..)

الحمد لله هم وانزاح .......... الله يجزاكم كل خير على تفاعلكم ماتقصرون ..

__________________
[/IMG]