منتدى عالم الأسرة والمجتمع - عرض مشاركة واحدة - عاشقات حلم الامومة ( يناير-ابريل)
عرض مشاركة واحدة
قديم 15-03-2010, 04:27 PM
  #1329
kokar_2001
قلب المنتدى النابض
 الصورة الرمزية kokar_2001
تاريخ التسجيل: Jun 2004
المشاركات: 1,872
kokar_2001 غير متصل  
صباح الفل و القمر على السكر و العسل

وحشتونى جدا جدا

معلش انا مش عارفة اشارك عرفت انا مشغولة بايه و الحمد لله

الاستاذ بيحصى كل يوم الساعة 7 الصبح و انا بنام 2 يعنى كل يوم 5 ساعات نوم فبكون باقى اليوم "متنحة" لا عارفة اتكلم ولا عارفة انام عشان المفروض حياكل او حيرضع او اى حاجة لحضرته متخلنيش اعرف انام
بس امبارح مقدرتش نمت انا و هو "كمدا" و الحمد لله صاحية النهاردة فايقة


المهم


واحة بصى
اقولك على سر؟
انا مبسوطة انك مطلعتيش حامل
بصى انا دلوقتى اذا حد خيرنى بين الحمل و بين الحج حختار الحج طبعا
انا السنة اللى قبل اللى فاتت روحت العمرة فى رمضان و بعيد عنك و عينك متشوف الا النور عملتها على كرسى متحرك لانى مقدرتش امشى بعد خامس لفة فى الطواف مبقتش قادرة اخد نفسى و كنت حفلسع هناك
و دى عمرة ما بالك بالحج بقى
يعنى حضرتك محتاجة تروحى الجيم قبلها عشان تقدرى تحجى ههههه
ربنا يكتبلك كل خير بأذن الله



فلتى حبيبتى القمرة
جوزك مزعلك؟
اجيله و اللهى
و بعدين جوزك دا ....... دا بيدعى على نفسه ماهو لما انتى متشوفيش الخلفة هو حيشوفها فين بقى؟
اكيد فى الحلم
معلش يا سكرة مصارين البطن بتتخانق متزعليش نفسك
هو شوية و حيجى يصلحك
و ربنا يهدى سركم يااااااااااااااا رب


ديدو حبيبتى ان شاء الله ربنا حيكرمك طول ما عندك يقين بان ربنا حيكرمك يبقى حيكرمك
و ان شاء الله حنباركلك قريب قوى


سعود حبيبتى
بجد حسبى الله و نعم الوكيل فى كل انسان يقول كلمة تجرح حد
الناس دى يوم القيامة حتجيلك تترجاكى عشان تسامحيهم
انتى بتعلى بحسناتهم و هم بيوطو بزنوبهم
ربنا يفرجها عليكى يااااااااااااا رب
و بالنسبة لاطفال الانابيب حطى خطة يا سيتى
حوشى اعملى جمعية اى حاجة و اعملى محاولة يمكن ربنا يكرمك بيها



زوزة بجد حتجنينيى ايه الخطير اللى عندك بويضة مش بتنفجر؟!!!!!!!!!!!!!!!!
و بعدين عاوزة اقولك على حاجة حتريحك هاتى ورقة و قلم و حطيهم فى مكان سهل انك توصليلهم على طول
و كل ما تسألى نفسك سؤال اكتبيه فى الورقة و لما تروحى لدكتورتك اساليها كل الاسئلة اللى اتحوشت فى الورقة عشان تفهمى كل حاجة عن حالتك
احنا مهما عرفنا برضو ممكن نديكى معلومة تلبسك فى الحيطة
و بعدين يا بنت الحلال انتى مش متجوزة دكتور خليه يفهمك الدنيا فى جسم الست ماشية ازاى
انتى شاكلك كنتى ادبى ذيى "بلااااااااااااااااااطة" فى العلمى هههههه



باقى البنات بحبكم فى الله



رب لا تذرنا فردا و انت خير الوارثين
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة