انا ام زوجي على صواب ..؟
مشكلتي ولو انها طويله بختصرها ..
في الـ 3 عصراً اتصلت بزوجي وطلبت منه ان يطلعنا انا وولدي من البيت بعد عودته من المنزل
بحكم انا ماطلعنا بالويك آند غير بيت اهلي وزيارة قصيرة لأهله .. اجاب بالموافقه انهيت الخط بالأتفاق
بعد عودته اخبرني انه طلع من الدوام قبلها بوقت عشان يجيب اغراض لأهله من مكان قريب من عمله
واخبرني انه بنزور اهله وبنودي لهم الأغراض .. سكت .. قلت له بس احنا متفقين اتفاق ان كذا وكذا
وانا نطلع الليله قال لي ايه نطلع نروح بيت اهلي وبعدين ارجعكم البيت واطلع مع صاحبي بحكم انه محتاجني في شغل ..! قلت له بس احنا ما اتفقنا كذا ..! سكت ثم قال طيب وين تبي تروحي يمكن
اقدر اقضي مشوارك قلت له ماهو مكان معين بس ابي اطلع \ سكت عني قال ايه نطلع بيت اهلي
قلت له انا مو طالعه قال طيب بكيفك بس انا وولدي بنطلع بيت اهلي قلت له ولدي مو رايح معك
ملاحظه : ولدي عمره 7 شهور \ قال بلا قلت أدب ولدي باخذه معي ! المهم قال لي بتبدلي له بدلي
ماراح تبدلي له باخذه وهو كماهو عليه .. خلص وجهز وانا مابدلت للولد لأن مو من حقه ياخذه المهم
صار نقاش حاد بيني وبينه في مجمله ان هو مو مقصر معانا ودايماً يطلعنا وقال لي من اليوم ورايح مالك الا يوم بالأسبوع تطلعي وتختاريه طبعاً يقصد غير بيت اهلي واهله قلت له خلي اليوم هذا لك مابنموت اذا ماطلعنا تمشيات وغيره .. انا مانكرت ولا قلت هو مايطلعنا ولا قلت له مقصر .. !
المهم جى بياخذ الولد ومسكته قلت له ماتاخذه الولد صغير ومايستغني عن امه وانا اعرف نظامه و بكره اذا كبر خذه معك لأي مكان ماراح امنعك .. المهم هو انقهر وهدد وتوعد ولما رجع البيت قفل على نفسه المجلس وقمت انا انقهرت من تصرفه لأن ولده لمحه وهو جايب اغراض وقام يبكي يبغى ابوه وضل الولد يطالع في الباب ويبكي الولد كسر خاطري وماله ذنب وماجلس معه غير نص ساعه !
قمت انا وقفلت الباب الفاصل عشان الولد ينسى ويلهى ولا رجعت فتحته مدام استغنى عنه واختار يستقل بنفسه بكيفه واغراضه كلها داخل \ انا ماحس نفسي غلط ولا يستدعي الموضوع انه يوعد ويتوعد او يتصرف تصرفات اطفال والطفل ماله ذنب .. انا اتصلت عليه كذا مره ورسلت له مسجات
ومافي رد منه يعني هو اختار ان مانتصالح ولا نحل المشكله ..؟؟
الي قاهرني وخلاني اقول له مو طالعه من الأساس ان كذا مره البس ونتجهز على اساس بنطلع نتمشى ونروح بيت اهله وما اقول شي بس تكررت كثير هالحركه \ اما صاحبه ليلتين مطنشه ليله نام وليله ماله خلق يرد ..
انا متضايقه وولدي كاسر خاطري
بس انا لا بتأسف ولا بعتذر لأن ماغلط وقلت له ما اعاندك والله ما اعاندك
ومتعلم لي يمد يده بعد لما يعصب
طولت عليكم ..
التعديل الأخير تم بواسطة أطيـاف الخليـج ; 16-03-2010 الساعة 01:00 AM