زوجتي لا تقوم بواجباتها تجاهي ؟
السلام عليكم ورحمة الله
إخواني وأخواتي
عندي مشكلة مع زوجتي وأبغى آخذ رايكم وأنتم أحكموا
أنا متزوج من أكثر من سنتين , وما حصل بيننا أولاد , طبعا الحياة الي مرت فيها أيام جميلة وأيام محزنة
المهم
زوجتي حساسة مررررة ومدلعة بزيادة وكثيرة الزعل والتشكي , وتحب تفرض رأيها وتمشيني بالصغيرة والكبيرة , والأكبر من ذلك رفع الصوت علي , ومغرورة جداً
انا صبرت لين نفذ الصبر وش رايكم ؟؟؟؟؟؟؟
طبعاً أنا موظف حكومي وأدرس دراسات عليا وحالتي ما عليها وهي مدرسة.
تخيلوا ياإخواني
والله إني أغسل ملابسي الداخلية بنفسي خوفاً من المشاكل , والشماغ والثوب برا البيت
آمرها بالشيء ترفض وتقول مو من واجبي
تتكلم في أهلي بكلام مو طيب
أحيانا أغسل الملابس وأقول كمليهين يعني نشفيهن ترفض ؟ وتقول دام غسلتهن كملهن !!
الغداء والعشاء ما أتشرط فيه أبدا , أقول هاتي الموجود , ومع هذا التساهل صارت تتهاون في الطبخ
وما عاد أشوف إلا جبن وتست وقهوة
طبعا الفطور ما سوته إلا مرات قليلة ما تبلغ أصابع اليد الوحدة خلال سنتين !!!
الأكل عندي غير ضروري
المهم : تريدني أجلس معها على طول وتتهمني بالتقصير مع أني ما أطلع من البيت أبدا إلا للمسجد , وأحيانا أروح لأهلي وقليلا ما اجتمع مع الأصحاب , يعني ما أنا براعي استراحات
واجلس معها كثير في البيت
ولا أحب الجلوس عند التلفزيون كثير
ما أمنعها عن أي مكان تريده , مع أنها كثيرة الاجتماع مع صاحباتها
وش رايكم ؟؟؟
والله على ما أقول شهيد
التعديل الأخير تم بواسطة daimound22 ; 16-03-2010 الساعة 08:00 PM
السبب: توضيح العنوان ،،،