بسم الله الرحمن الرحيم
السلام عليكم ورحمة الله وبركاته
الله يسعد مساكم جميعاً
بحاول اختصرلكم مشكلتي اختصار شديد
انا عمري ثلاثين سنه متزوج قبل ثلاث سنوات
بنت عمي ثلاثين سنه ايضا
اخترتها بدون ميول وبدون نضره شرعية ولا شافتها عيني بحياتي
يعني اكشط واربح
طبعاً ماني مرتاح
لأني ماشفتها وهي ماتعرف عني أي شي
عموما طلبت صورتها ورفضوا اهلها بسبب العادات
تزوجنا ودخلوني عليها وتفاجئت فيها مره يعني انصدمت
ماصارت على الي بالي
قسم بالله اني حزنت وندمت ندم
والمشكله ماهو شكلها أو جمالها
سبحان الله ماقبلتها
وهي كذلك اخبرتني بأنها انصدمت بشكلي ماكانت متخيلتني كذا
اثنينا مالنا ذنب
المهم بعدها سافرنا لنقضي شهر العسل سوياً
داخل المملكة
وبصراحة شهر العسل كان نوعاً ما حلو
فيه مجامله لكن حلو
وبعد شهر العسل بدأت ملامح الوحاااام على زوجتي
وصار حمل بدون قصد
وصارحتني انها مصدومه بي وصارحتها انا كذلك
عموما كانت ضايقه وأخلاق زفت بسبب الحمل
وكنت انا اخطيت عليها بأشيا مثل كثرة الجماع بكل وقت
لأني احس اني عريس ومشتاق لشي هذا
وكنت أيضاً انتقد شكله احيان أقول مثل ليش ماترتبين
وتكشخين بملابس حلوه
وهي ماهي فاضيه المسكينه
وزادة امورنا سواً
وصارت هي بس زعلانه وبس ساكته
وانا ماأحب السكوت
وماتهتمبي ابد ولاتجيني ولاتقرب مني
وبس تبكي واذا قربت لها تكون ميته ماتسوي شي
وبصراحه قلت انا بس تقضي فترة الحمل ترجع الأمور
مثل شهر العسل
جابت طفل وكرهت الولاده كره شديد
وتألمت مره مره بالمستشفى
وبصراحه هي غير صبورة
عموما بعد الولاده حاولنا ان نستانس
سافرنا 100 مره ونطلع ونغير جو
ونستانس شي بسيط
وانا بديت وحاولت اقرب منها
وأنا نفسيت حلوه وأحب الرومانسيه
والكلام والفرفشه
وهي بعكسي تماماً ثقيله مره وزعوله
حساسه جداً
مع ذلك اني موفرلها كل شي شقه مستقله
وروعه اثاثها ومطبخها ومجالسها
لها فقط
وأمشيها وأشتريلها من أحسن الماركات
وهي صراحه انسانه كئيبه
وحاولت اعلجها وستخدمت اعلاج ست شهور
وكأنها تحسنت لكن سرعان مارجعت
دايم افكر بطلاق انا وياها بس مشكلتنا الطفل الي
عندنا ماودي يكون الضحيه
وش رايكم
مع العلم انني انسان متزن وأخاف الله ولايوم من الأيام خنتها
أو فكرت أخونها
ومؤدب املك وضيفه وسياره جديده حالتي الماديه جيده
اهتم بالهندام والنضافه امامها
لكن أحس أن قلبها مغلق
وهي انسانه متدينه مؤدبه من الدرجه الاولى
وواثق منها جداً
حتى ماضلمها
لكن مشكلتها
1-دائماً طفشانه , مع العلم انها تذكر انها طفشانه
وتقول انا محسوده وتقولي مالك ذنب
2-متشائمه
3-تعصب على طفلها وأحيان تضربه
4- ماتعرف شي عن الحب والرومانسيه والجنس
شي ,
اسف على الأطاله
ابي رايكم ياحبايبي
اصبر عليها وبعد ثلاث سنوات اخذ وحده وانا ماودي
بالثنتين لأنها قرف
ولا اطلقاها وهذا كمان مشكله والسبب الطفل
ياناس انا ودي اعيش
يعني انا ماتزوجت الا ابرتاح
والله مارتحت
ولاذقت راحه
اسف على الإطالهانتضر ردودكم