منتدى عالم الأسرة والمجتمع - عرض مشاركة واحدة - [ صـغار قلوبنا بيضـا نعيش بعالمٍ محـصـــور ~ دعـوه لكشف المستـوور :D
الموضوع
:
[ صـغار قلوبنا بيضـا نعيش بعالمٍ محـصـــور ~ دعـوه لكشف المستـوور :D
عرض مشاركة واحدة
17-03-2010, 10:49 PM
#
1
little dreams
كبار شخصيات المنتدى
تاريخ التسجيل: Sep 2004
المشاركات: 2,778
أول مادخلت لأولى ابتدائي اتصلت على الاستعلامات بسألهم عن رقم صديقتي
والظاهر هذاك الوقت ماكان فيه نظام تسجيل المكالمات
رد الموظف ،، قلت بكل برااااءة: السلام عليكوم
قال: الله لايسلمك قولي آمين !
تخيلوا !! قلت: آمين
وسكر بوجهي << شكله كان وده يضحك
رحت لأمي أقولها وأنا أتعبررر
قالت: قلتييييي آآآمين
!! وحضنتني جعلها بالجنة وقعدت أصييييح طلعت كل الروعة الي فيني
....................
نفس الشي بأولى ابتدائي كان عندنا يوم مفتوح
وكانت أبلة عزيزة تبيع صيصان
الواحد بـ9ريال ماأنسى ..
شريت واحد وسميته سوسو
جا بابا ياخذني وكنت لابسة فستان منفوووش
خبيت سوسو بفستاني وركبت السيارة بسوي لأبوي مفاجئة يقالي
والصوص يصوصو وأقوله اووص ياولدي بوريك لجدو << ياعمري أنا متحمسة كنت مرة
المهم أخذني أبوي ومرينا على أهلي ورحنا للثمامة استأجرنا مخيم وبنتغدا هناك ..
تعرفون الصوص بغريزته يلاحق الي يمشي قدامه
فأنا كنت مبسووطة إنه يلاحقني وتوقعت إنه صدق إني أمه
طلعت من الخيمة بعد الغدا
وسوسو وراي
وورانا أخوي سابق الذكر "الي انضرب وهو مفصخ
"
تخيلوااا
أخوي دعس ولدي
وولدي طلعت من بطنه أشياء غريبة !
التفت وشفته ممدد على الأرض وينتفض مررررة !
أخوي الغبي معه نبيطة وقعد ينبطه بالحجار !
وأنا منهااااارة أدفه أقول خله حراااام عليييك !
تتوقعون ليه كان ينبطه !!
يقول: بموته بسرعة عشان مايتعذب
شلت ولدي ورحت ورى الخيمة وقعدت أصيييح بلوعة ماأنساها طول عمري !
خلوني أنقل المايك لأبوي شوي، يقول: كنا جالسين قدام الخيمة وأطفالي كلهم حولي يبعبون وجنة تصيح ورى الخيمة ..
فجأة سمعتها تقول وخرااااي << (وخري) بس بصياح يعني
وخرااااي وااااااا وااااااا وخرااااي
التفت إلا كل عيالي حولي ! استغربت من قاعدة تصارخ عليه جنة !
جا أبوي يشوف وش أصارخ عليه !
لقاني أصارخ على نمل قاعدين يمشون على ولدي الميت
اصبروا مابعد انتهت السالفة !
جلست أصييييييح إلا يجي أخوي يدفن سوسو ويصلي عليه !
وأخوي يضحك عليه ،، أبوي ياحبي له قاله سو الي تبيه منك أختك ..
راح أخذه ودفنه وصلى عليه
تخيلوا يصلي عليه ويروكع ويسجد ههههههههههههههه
الحين عرفت ليش أمي وأبوي كان وجههم أحمرررر ذاك الوقت << كانوا كاتمين الضحكة لا أعصب عليهم وأخليهم يقومون يصلون عليه بعد
والآن في الثمامة قبر ولدي الحبيب سوسو الي مانسيته وبأقص قصته لأولاد أولادي إن شاءالله
.................
مدرستي الابتدائية كانو أغلب زميلاتي وأبلاتي فيها مصريات
وكنت أتكلم مصري بطلااااااقة
ماتقولين إلا وحدة منهم ،، ويمكن أحسن منهم بعد
استمريت على كذا من أولى إلى رابع
ومرة سألت الابلة عن دفاتر رديت عليها كالعادة مصري مضبووط
قالت: الله يابت! هوا إنت سعودية ولامصرية !
مدري ليش حسيت إن كرامتي انجرحت ذاك الوقت رغم إنها قالتها بإعجاب بس إني انجرحت وقررت معد أتكلم إلا سعودي ..
فمرة كنت أسأل بنت وقلت لها "أبوتس" << أبوك
مافيه وسط ياحبي لي يا أقول "أبوكي" ولا "أبوتس"
المهم انتشرت هالكلمة عند كل بنات الفصل ودخلت الأبلة وقالوا لها ضحكت بقووة وقالت:
أبووووس !! تبوسي ايه يابنتي
مت مت من القهر ذاك لوقت حسيت إني صرت مسخرة عند كل المدرسة !
وكل ماشافتني الأبلة ذيك قالت: هتبوسي مين النهاردة
..................
باقي عندي مواقف بس تعبت من الكتابة
أكمل لاحقاً إن شاء الله ..
little dreams
مشاهدة ملفه الشخصي
زيارة موقع العضو little dreams!
البحث عن المشاركات التي كتبها little dreams