اخي الفاضل
والله ومعلش ما تزعل مني انا شايفة انو كلامك فيه شوية تناقض، لانك بتحكي انك انصدمت فيها، يا اخي اللي بنصدم ما بتصرف زيك، انت كنت كتير متلهف للقاءها وكنت تعاتبها ليش ما بترتب حالها وزعلان ليش ما بتقرب عليك، وسافرتو ل 100 مكان متل ما انت حكيت وبدك انكم تنبسطو فيها ....... الخ، وهالشغلات كلها ما بتدل انك مصدوم بل على العكس بتدل على انك متقبلها وكتير مش شوي و حابب تستميل عواطفها وتكسب قلبها، اذن المشكلة من ناحيتك محلولة، بس لو اجينا لزوجتك، بنلاقي انو يمكن الصدمة من جهتها فيك هي اللي كبيرة، حاول يا اخي انك تلجأ للحوار الصريح، لانو انت ما حكيتلنا اذا حكيت معها بهالموضوع ولا لأ، اسالها بعد هالعشرة اللي صارت بينكم: هل انتي لسه نافرة مني؟؟ هل لسه مصدومة؟؟ اذا حكت لا ، فبكون شي ايجابي وكمل بحنيتك وعطفك عليها ومحاولات انك تحببها فيك، وابحث في نفس الوقت عن سبب كابتها وحزنها، لانو واضح انها مكتئبة وانا بصرلي نفس اعراضها لما بكتئب وبضرب اولادي، الشي يا اخي بكون اكبر منها، اما اذا فهمت منها انها ما حبتك، اسالها شو اللي ما حبتو فيك وحاول تصلحو ، واهم شي افبل كلامها بصدر رحب، ويا اخي ما في قدامك الا انك تفكر باصلاح الوضع وما تفكر بالطلاق لانو عندكم ولد، وانا حاسة انك عالأقل بتميل لإلها هاد اذا ما كنت بتحبها فعلا وانت مو حاسس. الله يوفقك..

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..