تعبت من جفاء زوجي وقررت الذهاب لأهلي !
السلام عليكم ورحمه الله وبركاته
لاول مره بحياتي اطلب استشاره من النت وان شاء الله مايخيب رجاي فيكم بشرح وضعب بدون مقدمات انا متزوجه من ثلاث سنوات اول سنتين كنت انا وزوجي كلنا ندرس ولما خلصنا دراسه هو راح مدينه ثانيه يكمل دراسات عليا وانا بقيت عند اهلي
يروح من السبت الى الثلوث ويجي عندي من ظهر الثلوث الى الجمعه طبعا خلال هالأيام يجي ياكل وينام واذا جلس في البيت اما يطالع التلفزيون او يجهز اشياء خاصه بحلقته (( حلقه تحفيظ القران)) يعني جلسته في البيت قليل عنده طلعات رسميه تجي طبعا على حسابي(( الاربعاء في الليل شي اساسي مع ربعه والخميس من الظهر الى الليل مع ربعه بس طبعا غير عن اللي جلس معهم الاربعاء))
اشياء فيه متعبتني نفسيييا تصرفاته احيانا كأنه شايب على ان عمره مايتعدى 25 (مايبغاني احط مكياج لاعنده ولاعند الناس) (مو من النوع اللي يحب الهدايا ولما اقوله عن هالشي يقول المصروف اللي اعطيك كل شهر هو هديه!!) (مايحب الرقص ومايحب التجديد والحفلات يقول هذي جتنا من الغرب !!) ( طبعا صفه ملازمه كل رجل انه يكره السوق ومايروح فيني الا بعد طلعه الروح وبعد الزعل والصراخ يوافق واذا اخذت رأيه باللبس اللي بشتريه يقول اهم شي ساتر على اني مو من النوع اللي اتفصخ بالملابس لبسي محتشم ) (خلال الايام اللي مايكون عندي مايرد على اتصالاتي الا قليل بحجه انه عند اصحابه واني احرجه مايحب يرسل رسائل بس المفروض انه يضغط على نفسه عشان يعوض عن غيابه عني )
بااختصار انا تعبت جدا منه مايحب يقرا او يسمع شي يخص بتجديد الحياة الزوجيه ويقول انا راضي عن حياتي كذا لكن انا مو راضيه هو اهم شي نفسه انه مرتاح لما اشغل التلفزيون وفيه برنامج عن الحياه الزوجيه قال اشغلونا كن مافي الحياه الا الزوجين !!
وامس كنت عند اهله وكنت بغرفه انا وهو ومافي احد غيرنا قال ليه حاطه مكياج وليه هالخربطه وانا ابتسمت اخذت الموضوع بااستهبال قال مادري متى بتزهدين بالدنيا ويكلمني بااسلوب بايخ انا عديتها له يوم جا واخذني عاتبته قلت ليه تكلمني بهالاسلوب ويجلس يهوش انتي كل شي تدققين عليه انتي لازم تتحمليني وتحملين كل اخطائي ولا تسألين ولا تعاتبين انا اجي اخر الاسبوع ابغى انبسط وانتي بس تدورين اخطائي وتعاتبين خلاص انا احسن شي مااكلمك وماتكلميني عشان مااخطي وتزعجيني انا سكت وتركته يوم رحت البيت هو دخل ونام كالعاده قلب ميت وجيت على السرير وبدا ولدي يبكي انا من القهر ماتحملت من جهه الولد ومن جهه ابوه وجلست ابكي مقهوووورررره بس يبغاني اتحمل واتحمل ليه انا حجر قدامه بس اهم شي هو تتوقعون يعني حس ومادرى عني ولاالتفت لي نومت ولدي وطلعت وتركته واليوم صحى من النوم الصباح ويطلع ومااستجاب لصياح ولده لانه يبغى يروح معه يجي الظهر وماكأن شي صار ويجلس يسولف ويعصب عشاني ماعطيته وجه!!!
يقول دايم زعل زعل يعني طول الليل سافهني وانا ابكي ماحد درى عني ويبغاني ارضى بهالسرعه جابني الحين عند اختي وعصب علي بالسياره لاني اجاوب على قد السؤال قال سوي اللي تبغني ماتحبيني براحتك تبغين تجلسين عند اهلك بعد براحتك ماراح اغصبك
وهذا الشي اللي انا فكرت هو من زمان مهملني وانا مو من النوع اللي اعاقبه وازعل واخذ حقي منه وطبعا من امس جهزت اغراضي بجلس عند اهلي لاني تبعت من جفاه يعني وش لاقيه منه انا ماانكر انه مهتم بالصلاه ويحب يعمل الخير ويحب حلقات القران ومهتم فيها لكن كل شي صاير على حسابي
واعذروني انا طوولت بكلامي بس اتمنى تفيدوني الله يسعدددددددددددددددددددكم وش اسوي انام عند اهلي اليوم ولا اروح ولا كيف اتعامل معه انا ابغى اروح عشان يعرف ان حياتي مو متوقفه عليه
اتمنى تتفاعلون
وجزيتم خيراً
التعديل الأخير تم بواسطة daimound22 ; 18-03-2010 الساعة 06:27 PM
السبب: توضيح العنوان ،،،