المشاركة الأصلية كتبت بواسطة 7or eldonya

رمانة حببيبتي
شوفي يالغالية زوجك الظاهر من النوع المتشدد بالدين لكن ابيك تجلسين معه جلسة ناس مثقفة ولها اسلوب ماثر بالحوار الراقي
فهميه ان اهماله لزوجته ولطبات ورغبات زوجته ليس من الدين ذكريه بافضل خلق الله محمد عليه افضل الصلاوات والسلام
حبيبتي لو تبين تقهرينه جد لا تدققين معه كثير خليه على هواه وبامكانك تعاقبينه بدون رفع صوت او دموع
ان كيدهن عظيم خليك ذكية النوع هذا من الرجال مايجي معه العنف او الدموع بل الحيلة والمحتالة اقوى من الساحرة هذا مثل ..روحي بيت اهلك بدون ماتقولي له انك زعلانة وحسسيه انه غلطان بحقك بدون لوم وعتب الحركة تكفي واللبيب بالاشارة يفهم
وش يفيدك قهرك ودموعك؟ بالله قولي
حطي مكياج خفيف بحيث انك تطلعين جميلة بدون مايبان المكياج واكشخي بطريقة راقية وخليك قدامه قوية وسالفة بعدك عنه لازم تتعدل لكن دام ظروفك كذا ارضي بالمقسوم في الوقت الحالي لا تقهرين ولاتزعلين نفسك
خففي اتصالات عليه وقت مايكون مع اصحابه ابد لا تدقي ولا ترسلين رسالة لكن حسسيه انه مقصر بحقك بطريقة تخليه هو يحتار فيك وتحسسه بالذنب
فهمتي حبيبتي؟