حبيبتي أنا مع كلام أختي مهره ... ما شاء الله كفت ووفت
وأود ان اقول لك ... لا تكرهي نفسك ولا تظني انك زوجة سيئة ...انتي مثل اي انسان فيه عيوب وطباع صعبة ..
لا تركزي الآن في سلبيات واجابيات زوجك ... ركزي على نفسك وعاداتك وتفكيرك وحاولي تبدأين تغيرين فيها ..
ولا تظني ابدا ان زوجك يعاملك مثل ما يعامل الناس .. هناك فرق كبير بينك وبين الناس ... طيبته وتفهمه ومعاملته
الراقيه معك هو الحب ... فالرجل يعبر عن حبه بالافعال ... مو بالكلام مثل المرأة ...
ما دام انك مدركة ان الغلط منك فهذي هي الخطوة الاولى لتغيري نفسك ... واسألي نفسك رجل مثل زوجك ما الذي
يستحقه منك على معاملته الطيبه وحبه لك ..اخلصي النية في التغير للأفضل وتوكلي على الله .. وتذكري
ان عليك ان تقابلي الاحسان بالاحسان ..والاساءة بالاحسان أيضا ... واهم شيء تذكري الاجر الذي بتحصلينه من معاملتك
الطيبه لزوجك عند الله ... لا تخلين الشيطان يوسوس لك بإنك محتاجة انك تحبين زوجك ... انتي تحبينه اكيد بس
طباعك السيئة متحكمة فيك ... تخلصي منها بإرادة قوية ... وياريت لو تجلسين مع زوجك يوم ... وتطرحين عليه
الاسئلة اللي ودك تعرفين اجاباتها مثل الاشياء اللي يحبها أو يكرهها ... واهم شيء الاسلوب ... واكثري الدعاء يا غاليه
ربي يسعدك ويجمعكم على الخير والموده يارب