الراسي
من زود ماردودك جوهريه ولامست واقع ولب الموضوع وزادته اثراء وخلته من المواضيع التوب ثري على المنتدى.. مخي ماقدر يجمع كل هالعظمه فأخطأت في اسمك الجميل
اقدم اعتذاري للأخ الرسمي
وعفا الله عن الجميع
الموضوع تم على خير .. وعلى افضل مايرام
.. الحرمه جت قالبه وجهها كالمعتاد...اللي عرفته انها بغت تبطل وتفركش الجيه عليهم كلهم.. بس غصبها زوجها على الجيه ..( لا تعليق)
ماتطلب مني شي.. تطلب من حماتها تطلبني !!!!!!! حتى حماتها ضحكت عليها وقامت تكلمها زي الاطفال : اشفيكي ياماما.. حتاكلك؟ ترى ماتعض,, اطلبيها انتي..واختنا تفشلت...
نسيت اقول ان الحمد لله حماتها وحماتي اخت زوجي جو.. شالوا عني حمل ثقلها الله يجزاهم خير
من زود ماهي كارهه الموضوع .. بعد نص ساعه من دخولهم تقول لعمتها وش رايك نكتفي بالقهوه بس .. علشان حرام مانكلف عليهم اكثر
عمتها انحرجت منها بس بسطتني باللي قالته لها:..يعني شلون؟ مسوين عشا ندبسهم فيه؟ نخليهم يتحسفون انهم نادونا؟ الله يصلحك يابنتي وش هالراي..الرسول اوصى بتلبية الدعوه ..مو نقص راسها .. ( مت ضحك على هالجمله)
قلت لها حلوه تروحون .. والخروف اللي داخل بالله عليك ؟وانتوا جايين عشا مو قهوه ..
وهي العمه الكبيره كل يوم تجي؟ اقول استهدي بالله وتعبكم راحه.. حابين نكسبكم من زمان والحمد لله تيسرت..( ياعيني)
الادميه مارست هوايتها يتكشيرها في وجهي من ورا عمتها على قد ماتقدر
حماتي ماشاء الله ادارت دفة الجلسه طالما انهم قرايبها ..فكان الجو رائع جدا
وفعلا.. ان لم تستح فاصنع ماشئت
كل ماقدمت لها شي ترفض.. بحجة انها مالها نفس شبعانه ( قمة الاسلوب)
عمتها تقوم تحلف عليها .. زي الاطفال اللي ياكلون غصب
كم مره تتنهد .. الين طالعت فيها العمه بعين حاره تقول لها اشفيك تعبانه؟
استحت هي طبعا
طلعنا العشا ومارضيت تقوم تقول مالها نفس..وعمتها كلها استغراب من تصرفاتها
في نص العشا قامت البرنسيسه ..
مديت لها السلطه و ورق العنب .. رفضتهم.. وعيني عينك تطلب ورق عنب من عند حماتي !!!!!
بجد اساءت لنفسها قبل لا تسيء لي لأنهم صاروا يطالعون في بعض.. اشفيها تسوي كذا!!!!!
بعد العشا جاها كف محترم من عمتها.. يمهل ولا يهمل
بعد ما غسلت العمه يدها مبااااشره
الحرمه دقت على زوجها وقالت له يالله
لما طلع دق عليها
الا شوي تطلب في عباياتهم
عمتها قالت وشفيك؟
قالت يالله بنروح
قالت العمه ومن قال اني بروح
انا قلت لك دقي عيله نمشي؟
قالت لا
العمه . خلاص تبغي تروحي روحي وحدك
انا جالسه
استحت وجلست بس بعبايتها
قصدها تضغط ع العمه
العمه زرعتها 3 ساعات بعد العشا
ولما جو يروحون البيت .. راحت مع زوجة ولدها الثاني
هذيك صار وجهها الوان واشكال
يعني
الحمد لله ماقصرت وناديتهم وفعلا انبسطت بجيتهم وماعندي اعتراض من الاساس الا على الشيخه اياها فقط.. وهذي هي ماقصرت بالاحراجات والحركات الصبيانيه
زوجي بالمره مبسووووووووووووط وهذا اللي همني ...والرجال عجبهم الجو وكانوا مره خجلانين منه ..
جتني دعوات بالمره حلوه من الجميع الا هي بطبيعة الحال
فعلا كان في نيتي ارضي زوجي ... فيسر الله الحماه السنعه وحماتي العسل انهم يجون .. ويرطبون الجو
العمه جدا جدا جدا انبسطت ... وجلست تدعي لي وما احلى دعاء الكبار
وسلامتكم
جزاكم الله خير واسعدكم