اختي انا فاهمة عليكي مليون بالمية، ومع احترامي لبعض اخواني واخواتي الاعضاء، مش معنى انو منيح انو كتير عليكي او انو غصب ينحب، وبذكر هون ببيت الشعر:
عين الرضى عن كل عيب كليلة... وعين السخط لاترى إلا المساوئي
يعني المراة اذا بتحب زوجها لو انو فيه اردأ صفات بالعالم رح تموت فيه، وما رح بتشوف احسن منو مع انها عارفة عيوبو، والعكس صح، لو ما حبيتي انسان لو بشعل العشرة ما بشفعلو هالشي عندك، وعلى فكرة كتاب طوق الحمامة استفاض بهالموضوع، مش بس من ناحية التصرفات ،لا ومن ناحية الاشكل كمان، واشار في باب كامل انو اللي بحب وحدة بحب فيها امور بكون عليها اجماع من الجميع انها بشعة ومنفرة وهكذا.
بس هلأ احنا في امر واقع وفي حياة انتي عايشتيها هلأ وفي بيت واولاد، يعني ما في مجال نحكي ما حبيتو او من هالكلام، حاولي انك تضلي تذكري حالك بالمحاسن، بس الاهم من هيك انك تلفتي انتباهو للاشياء اللي بتقهرك فيه، وخليه يبطل السطحية المزعجة، عشان تسيري تقبليه، ليش تكتمي؟ وواضح من كلامك عنو انو رح يتفهم وما رح يزعل.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..