صباح الفل يا قمرات


لا جديد عند ملاك غير انها احتمال تدخل المستشفى تانى لانها تعبانة انا مش عارفة نوع التعب ايه
لانى بصراحة مش بحاول ادخل معاها فى تفاصيل عشان متعبهاش
ربنا يطمنا عليها يا رب
بجد يا بنات البنت تعبانة جدا جدا فارجووووووووكم متنسوهاش فى الدعاء فى صلاتكم و انتم ساجدين ان ربنا يصبرها و يعوضها خير
يا رب يا رب


زهورة كلامك وجع قلبى جدا و كان نفسى ان ملاك تقدر تدخل تقرا الكلام الجميل اللى انتى كاتباه عشان اكيد حيصبرها
و كان نفسى ابعتهولها رسالة بس لقيت ان مافيش رسالة حتستوعب الكلام دا كله
انا وصلتلها سؤالكم و دعواتكم ليها

ام مرهونى ايه يا سكرة؟
اذا قلقانة كدة متروحى تحللى دم عشان تطمنى و تطمنينا
و ان شاء الله خير و نباركلك



روح
بصى انتى مش عاجبانى خاااااااااااااااالص
بجد
متزعليش منى
بس انتى صعبانة عليا
يا بنتى انتى لسة عروسة
ايه اللى انتى عاملاه فى نفسك و جوزك دا؟
حرام عليكىنفسك و جوزك
و على فكرة انا اخاف عليكى لتفضل عصبيتك دى طبع فيكى بعد كدة
و كدة حياتكم تتحول لعزاب
يا حبيبتى اتبسطى و عيشى فرحتك
شهر عسلك دا مش حيرجع تانى خالص
لما تضيعيه فى حساب تبويض و عصبية و خناق حتستمتعى بيه امتى؟
ممكن تنسى موضوع التبويض دا خالص و تفرحى بحياتك الجديدة و تستمتعى بيها
و بعدين يعجبك لما جوزك ياخد عنك فكرة وحشة؟
ربنا يفرح قلبك و يصلحلك الحال يا رب



دودى حبيبتى
الف حمد لله على سلامتك
يالا احكيلنا عملتى ايه فى السفرية دى؟
عاوزيين تفاصيل
يا رب تكونى اتبسطى


اسلام طبعا انتى منورانا و اهلا بيكى معانا اخت جديدة لينا
بس طبعا عشان نقبل عضويتك معانا لازم تقدمى الـ CV بتاعتك
انتى متجوزة من كام سنة
المشكلة لمنع الحمل فين؟
ايه الاجراءات اللى اخدتيها فى سبيل العلاج
يعنى بالاختصار عاوزيين رغى عن قصتك عشان نعرفك اكتر
و ان شاء الله نكون وش الخير عليكى يا رب



باقى البنات بحبكم فى الله



رب لا تذرنا فردا و انت خير الوارثين

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة