السلام عليكم ورحمة الله وبركاته
في بدايه كلامي بدعيلك والله من كل قلبي انه يفرج عنك همك .. ويريح صدرك ان شاء الله يارب
بتعرفي مشكلتك انك كتييييير رومانسية وكتير تحبي زوجك ... وكتير بتعطيه اهتمام .. وكتير بتفكري فيه ..ومدلعيته زياده عن اللزوم ... يعني مثلا حتى لو هو مش موجود برضه تفكري فيه .. ياترى شو بيعمل ياترى شو بيساوي .. ياترى متذكرني ... ياترى ياترى ياترى ... وصدقيني هاد الشي بيتعبك بزياده ما انتي تعبانه ...
حاولي اعطي لنفسك فرصه لترتاحي .. ولا تخلي دماغك عامله زي الدينامو شغاله طول اليوم ...
انتي للاسف عودتي زوجك انك دايما انتي ال تبداي بكل شي.. وتقدميله كل شي ع طبق من ذهب..وانتي حاليا ما الك ياقمر غير انك تغيري نظامك معاه ..ع الاقل هاد الشي هيلفت انتباهه ..ولعلمك كل تصرفاته هاي لانه عارفك انك بتحبيه وميته عليه .. وبالعربي راميه حالك عليه ... جربي اتقلي ... صدقيني ليتغير..
حاولي انتي ال تتصرفي تصرفات غريبه هو يستغربها ... يعني مثلا خليه مره يدخل عليكي يلاقيكي لابسه لبس بناتي (متل ما كنتي عند بيت اهلك )بس يكون مريح الك .. ويكون حلو كتير كتير ..ويقتنع انك لابسيته عشانك مش عشانه .. ورابطه شعرك زي الاطفال مثلا ... واقعدي اقراي بكتاب من الكتب ال بيقراهم ..واعملي نفسك مندمجه في القراه كتير ..واخترعي انتي من عندك شوي ..والباقي عندك ياقمر
بس حطي في بالك ان زوجك بيحبك كتير ... ولو ما بيحبك ما كان بيراضيكي .. زوجك منيح كتير .. بس ما في حدا كامل ... واكيد اله ذكريات كتيره حلوه معاكي .. تلاقيه بس زهقان من الروتين يالي بالبيت .. اعمليله شويه تغيير ع شوية غيره ..ع شوية طناش ..وطمنينا عليكي ..وابعدي عن الهاوية ... لانه نارها بتحرق ...ولا تنسي المثل ال بيحكي (نااااااااااارك ولا جنة هلي)
تحياتي