اخوي الفاضل السلام عليكم ورحمة الله
اولا اشكرك لتفاعلك مع موضوعي والله يسعدك بالدنيا والاخرة
والله ياخوي لا الحرارة مشت معه ولا عادية مشت معه وبالعكس شكله يحب من يطنشه ويتعبه لا تقارن نفسك فيه ابد كل الرجال صناديق مقفلة
انا بس قبل شوي كان بيني وبينه نقاش وقلت له ترى انحرقت يقولي وش تبيني اسوي لك؟
اترك دوامي واجلس عندك؟ اطنش اهلي واجلس ماعندي سالفة الا انتي ؟
مع العلم وربي البيت ومن خلقني بالاول كان يترك العالم ويجيني ولو اقوله نروح الفجر الربع الخالي مايتردد اهم شى يرضيني
الحين بعد مابين له حبي وانا زي الحمارة ماعرف اخبي لا حب ولا هم ولا فرحة كل شى يبان علي وماعرف اكبت مشاعري عن الي احبهم اقسم بالله جالسة اكتب لك الحين وابكي ابكي على حظي الردي وعلى حياتي الي من يوم جيت هالدنيا وانا عايشة بكدر وهم وغم لكن الحمد الله على كل حال
يمكني حساسة واحب من يهتم فيني ويحسسني بحبه بس معذورة والله ماعرفت للحنان طعم
ولاعرفت للامان بيت بغيت زوجي يعوضني لكنه زادني عطش وحرمان
والله العظيم ماتتمنى شى الا الموت ابي اروح عند ربي هو ارحم بي من امي خلاااااااااااااااااص تعبت وتعبت اعصابي وتحطمت مشاعري وعجزت اعيش بزمن ماهو زماني
والله العظيم ماعندي احد اشكيله الا انتم بعد الله حتى اهلي لا قلت لهم شى يجلسون يلموني ويقلون لي هذا اختيارك انتي وانتي الي بغيتي كذا