اختي الحبيبة
والله انا صرت اخاف اني اشارك لانو بعض الاعضاء بعتبرو مشاركاتي صريحة، بس انا متل حبي لمساعدة ومشاركة الجميع ايا تكن هالمشاركات، بحب اعطي رأيي وانتي بتقرئي وبتقيمي فيما اذا كان مناسب لإلك او لأ.
انا شايفة انو يمكن كلامو صح، بس هل سألتي مين هي اللي حكتلو عنها في المسج انها جننتها؟؟؟
وطالما انو هو بحكيلك انو هي بتحكيلو اهلي بشكروك، فليش حكتلك بابا زعلان وماما مو متقبلة او شي من هالقبيل؟؟؟ معناتو في موضوع مطروح للنقاش بينو وبينها ايا يكن، عن اي موضوع، مو شرط علاقة بينهم، واهلها بعضهم وافق وبعضهم اعترض.

وما كان في شي ممكن يحسم هالظنون الا لو انك قرأتي الرشائل الصادرة منو، لتشوفي شو موقفو منها، هل هو بصدها او بتماشى معها، بس طالما انو مسحها صعب نتأكد، بس متابعة لهالجزئية، لو هو معني يطمنك ليش ما خلى الرسائل الصادرة عشان يريح بالك؟؟؟ لانو هو حكى انو من صندوق الصادر بتأدري تعرفي، ما كان لازم يمسحو.
اما بالنسبة لصورتها، ممكن هي بترمي بلاها عليه وبتحاول توقعو بشباكها، وهو من طرفو ما في شي.. الله اعلم.
انا لو مكانك بكون عندي بعض الشكوك وعلامات الاستفهام.
انا والله يا اختي ما بحاول اخليكي تشكي او تكتئبي، بس انتي هون بتلجئيلنا و المفروض انو كل شخص منا يحكيلك هو كيف شايف بموضوعية وحياد.
حاولي تعرفي منو هو شو حقيقة هالعلاقة، وما تبكي وانتي بتسأليه لانو ممكن دموعك تخليه يخاف يصارحك اذا في شي فعلا، حسسيه انك قويه وبتتحملي، وحلفيه، وفهميه انو اذا كان في شي رح يبين هلأ او بعدين، من الاول احسن عشان يضل بينكم ثقة.

ما بتوقع هلأ انك رح تأدري تراقبي موبايلو لانو اذا في شي لا سمح الله رح يكون حريص كتير.

وممكن يكون ما في شي، بس انتي من كلامو معك ومن احساسك فيه، ومن نظرة عينو ان شا الله رح تقدري تميزي صدقو من عدمو.

يارب يكون ما في شي، بالله عليكي تطمنيني عليكي.

الله يوفقكم ويسعدكم.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..