مشكلتك ياهموسة انك تعبانة داخلياً يعني نفسياً مرهقة ومضغوطة ومشحونة وشغلك تعمليه بدون استمتاع لانه بالنسبة لك واجب ثقيل لازم تنتهي منه ودائماً فكرة ان مافي احد يساعدك او حاسس بيك هي اللي تزيد الحمل النفسي عليك فينعكس على تصرفاتك بالعصبية والكبت

مشكلتك الاولى السهر : السهر وقلة النوم ومع طفل يبكي طول الليل مع النوم المتقطع والقلق هتحطم اقوى انسان

لازم تنظمي وقتك عشان تعملي إعادة شحن لنفسيتك لكي تقدري تقومي من جديد ببيبتك وبإبنك

اولا حاولي تستمتعي بشغل البيت وإنت تشتغلي فيه ... ولازم تعرفي ان مسؤلياتك ليست كبيرة كما تظنين او ان شغل بيتك وابنك هما السبب بدليل ان نفس العصبية والكبت تصير ببيت اهلك وانتِ بعيدة عن بيتك ومسؤلياته

شوفي امهاتنا كانوا مسئولات عن 6 اطفال على الاقل بينهم سنة واحدة ولديهم بيت كبير ولا توجد لديهم وسائل المساعدة الكهربائية الموجودة الان عندنا بس هما الفرق بينا وبينهم هو الصبر وقدرة التحمل وفن التخلص من الضغوط اليومية براحة الاعصاب والنظرة البعيدة لالالمور ان هذا مؤقت وهيزول فتستمع بما تقوم به

كانوا يحبوا ما يعملوا فانعكس على نفسيتهم واعصابهم

الحمدلله بيتك شقة واولادك طفل واحد للأن ربي يرزقك اخوة واخوات له وزوجك انسان متفهم

عليك مسؤليات نعم لكن كيف تخليها تمر بسلام بدون مشاكل كبت ونرفزة وعصبية

حاولي تنظمي نوم ابنك لكي تقدري ترتاحي مثلا لو تقدري تدخليه حضانة تشغله طول اليوم وتخليه يتحرك ويجري وبس يرجع ماتخليه ينام العصر عشان مجرد ما يصل الليل ياخد حمامه ويروح ينام طول الليل بعمق لانه طول اليوم جري ولعب وحركة مستمرة ومنها تتخلصي من تعلقه الزايد بيك ..وماتخافي من الحضانة ابداً في اطفال كتير بعمره ولو في حضانة بنفس مدرسة زوجك لاني فهمت انه مدرس خليه يروح ويجي مع ابوه او دخلوه اي حضانة تانية وبكده تقدري تكملي شغل بيتك الصبحية على رواق

في الليل ساعة النوم اعملي لابنك حمام دافي وشربيه اعشاب مهدئة للاطفال الحمام والاعشاب هتخليه ينام بعمق طول الليل وبكده انتِ تنامي وترتاحي وما تنسي قبل النوم إنك تعملي مثل ما وصى نبينا محمد صلى الله عليه وسلم

لما فاطمة الزهراء بنت رسولنا الكريم صلى الله عليه وسلم اشتكت ما تلقى من الرحى في يدها فذهبت لرسولنا الكريم صلى الله عليه وسلم تشتكي له وتريد ان تأتي بمن يساعدها ويخدمها

فلما علم ذلك ذهب إليها وقال صلى الله عليه وسلم { ألا أعلمكما خيرا مما سألتما إذا أخذتما مضاجعكما أن تكبرا الله أربعا وثلاثين وتسبحاه ثلاثا وثلاثين وتحمداه ثلاث وثلاثين فهو خير لكما من خادم }

صدقيني لو قولتيها وداومتي على هالذكر قبل النوم كل ليلة هتحسي تاني يوم ان شغل البيت صار ميسر وخفيف مرة

وحاولي طول ما انتِ بتشتغلي تستغفري وتذكري الله وتخلي سورة البقرة شغالة طول فترة شغلك بالبيت

واحتسبي تعبك وخدمتك في البيت ومع ابنك لله سبحانه وتعالى وكل ما تعبتي تذكري اجرك عند الله سبحانه وتعالى

وحاولي تكوني مروقة وانتي تشتغلي واستمتعي بشغلك مو تعتبريه واجب ثقيل عليك لازم تنهيه وان مافي احد مقدر ولا حاسس بيك او يساعدك ...الايحاء الداخلي النفسي له اثر كبير على انعكاس تصرفات الشخص الخارجية

لما زوجك يقول بإيش اساعد استغلي سؤاله ومرري ايش طلبك بالتدريج مرة عن مرة بيعملها لوحده دون ما تقوليله... وربي يعينك ويقويك