المشكلة متل ما قالت الاخت سعاد.. الكبت والضغط النفسي..

انا مرات امر بهالنفسية واسوأ منها كمان ، انا الضغط اللي عليي اكتر منك بكتيييير، شوفي دوام للساعة 4 العصر، ارجع لتحضير الغدا وتنويم الولد عمره 2 تفريبا وكمان اخته 10 شهور، طبعا زوجي ياحرام راجع من الدوام تعبان بس قاعد عالكنبة يتفرج على التلفزيون، بدين ترتيب بيت وطبخ وغسيل وكل شغل البيت.. طبعا ما في شغاله!! بس انا.. كل هاد وزوجي مادخله بشي..

مرات اعصب واسكت واكبت جواتي .. ومرات خلص مابقدر اتحمل وبعمل مشكلة مع زوجي، انو خلص ساعدني شوي.. اذا شاف حد بعيط قال بيتنرفز ويافلانه شوفي الولد او البنت.. مش مستعد يقوم يشيله او يشيلها ويلاعبهم لحتى اخلص شغلي..

وبالليل سهر والله للساعة 2 ولازم اصحى الصبح عالدوام ، وهكذا...

انا نفسي لا اعرف مالحل.. لكن انا اقول عن نفسي.. بس احس بضغط زياده لازم لازم اعمل مشكله.. هههههههههه بحس حالي بنفس شوي من الكبت والزعل..

بس نرجع ونقول هاي ضريبة اننا امهات.. والله يقدرنا ونحسن تربيتهم ورعايتهم..

والله يوفقك ويسعدك.. روووووووووووقي وطنشي