حسبي الله فيه ونعم الوكيل..
شو يا اختي اللي انتي غلطانه فيه؟؟!!!! شوعملتي؟!!!!!!!!!! الله يسامحك ما تقسي انتي كمان عحالك ، مش بكفي زوجك؟!!!!!!!
انتي ضحية لحقدو الطبقي وعقدة النقص اللي عندو..
اما بالنسبة لاحساسك بتأنيب الضمير انك فرحتي لما خرجتي من عندو، فهاد الشي لانو هالكك من الضرب ولانك كارهة عيشتك معو، بس ابدا ابدا مش وانتي تاركة ولادك معاه، واضح من كلامك انو ولادك هم كل دنيتك، وهم البذرة اللي زرعتيها وان شا الله بتكبر هالشجرة وبتظللك وبتحن عليكي وبعوضوكي كل سنين المعاناة والحرمان والاذلال.
الله يباركلك في ولادك ويعوض صبرك خير، وتشوفيهم احسن شباب ورجال وينشد فيهم الضهر، تأكدي بكره لما يشتد عودهم ويسيرو رجال، رح يوقفو بالمرصاد لابوهم اللي هان امهم اللي فنت حالها وعمرها عشانهم.
تأكدي حبيبتي مافي شي عند ربنا بضيع، ابدا..

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..