شوفي يالغلا
شعورك طبيعي وردة فعلك بمحلها
بس حبيبتي مايصير نعيش طول العمر نتألم من خطأ ماضي
أنا مريت بتجربة مقاربة
وجلست 5 سنوات وهي ماتزوجت
وخلال هالخمس كنت اشوف بعيوني حركات منها تفهمها الغبية بس احملها محمل الخير لاجل ماتتأثر علاقتي بزوجي
لدرجة مرة حاولت توصل لزوجي دهن عود تخيلي وطبعا قبل لايوصل سحبت الاهداء وخليته مني
والحمد لله انه طاح بيدي
الحين الله يستر عليها تزوجت
واحمد ربي انها مانالت مرادها وعكرت علي والا على حياتي
حبيبتي زوجك والله باين يحبك والا ليه حرص عليك منها وماحب تكون بينكم اي علاقة وليه ماطلقك وليه وليه
استغلي دقايق عمرك ترا الحياة صدقيني لحظة بساعة ممكن تندمين على كل لحظة نكد عشتيها
لما تكلمينه مسن خليها محادثة استمتاع وونس لا تحققي والا تعاتبي تراك انتي بتشقين اكثر منه
لاتخلين وجودك بحياته شيء يهرب عنه ويكرهه
تعلمي منه التصميم والتصوير
غيري نمط حياتك كله
أبعدي عنك الشيطان
كلنا بلا استثناء لو استسلمنا للشيطان بنشك ونتعب
الله يسعدك يارب