مدري ليش خطرت في بالي هذي الفكرة ، بس إذا كنت مقتدر وعندك فلوس أشتري لك و لها جوال آي فون ، بس لازم تكون تعرف له أو يكون عندك أصدقاء عشان تنزل عليه برامج وألعاب إلخ ، طبعا ً أنا عندي آي فون ، ومنزل عليه مصحف نفس اللي تلاقيه في المساجد يعني كنك تقرأ في مصحف صغير ، ومنزل عليه سورة البقرة بصوت الشريم ومنزل عليه ألعاب كثيرة من بينها شطرنج <<< حماس ، ومنزل عليه برنامج تحديد الشمال مع القبلة ، ومنزل عليه ماسنجر و سكاي بي وكتاب حصن المسلم كامل وألعاب ذكاء وقاموس أنجليزي ، غير كذا الحين صار أكثر البيوت فيها جود بلس وخدمة جود بلس يجي معها إنترنت مفتوح ، يعني تقدر تفتح النت إذا رحت عند أي أحد ، يعني مثلا إذا رحت عند خويك أو عند بيت أهلها وكان عندهم جود بلس يمديك تكلمها بالماسنجر بالجوال وتقول لها مثلا ً متى بتمشوا ، أو مثلا ً ترسلها أشتقت لك ، أحبك ، أو مثلا ً جيب لي شي .. الخ بالماسنجر ببلاش إذا كان في البيت اللي تروح له إنترنت واير لس ، ومميزات الآي فون لا تعد ولا تحصى وكل فتره ينزل له برامج جديدة وتنزل له ألعاب جديدة ، ونزل له الحين برنامج الموسوعة الشاملة اللي فيها جميع الأحاديث الصحيحة وكتب الألباني .. الخ بس سمعت أن البحث فيها مو نفس البرنامج حق الكمبيوتر ، المهم هذي فكرة جديدة إذا كنت مقتدر أنت تطقم أنت وياها جوال آي فون إذا كنت مقتدر ، وأنصحك تستخير لأن الآي فون ماينفع لأي شخص ومو أي شخص يقدر يستفيد منه ومو أي شخص يقدر يتحكم بنفسه و وقته لأنه فيه ألعاب حلوة تاخذ الوقت ، بالنسبة إذا تبغى تجيب لها عطر هديه في عطره أسمه love of pink لونه زهري ريحته حلوة ماركة لوكاست سعرة يمكن تلاقيه بأربع ميه أو أقل ، أو أشتري لها مثلأ ملابس تحس أنها ناقصه عندها يعني مثلا ً إذا كان عندها ملابس البيت أكثر من الملابس الرسميه فأشتري لها ملابس رسمية أو العكس يعني شوف الناقص أو القليل عندها و أشتريه لها ، في النهاية أخوي لا تنسى تكثر من الإستغفار .
من ثمار الإستغفار :
1-إنشراح الصدر .
2-به تحل جميع المشاكل وتذهب الهموم والغموم .
3-يأتي معه الرزق ( المال و الولد ) .
قال رسول الله صلى الله عليه وسلم ( من لزم الإستغفار جعل الله له من كل فرجا ً ومن كل ضيق مخرجا ً ورزقه من حيث لا يحتسب ) .
قال تعالى (فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) .
يمكن لي رجعة .
وأدعي لنا بظهر الغيب والملائكة راح تقول لك : ولك بالمثل < أو بمعنى ذلك .