ام الجود
خليني احكي وياك بمهنية عالية و بدون حكي إنشائي ،
انتي الان امام مرحلة مهمة و امام مشكلة واضحة و هي بسطر واحد :
" أبي أصارح و أخبر بنتي أني أنفصلت من زوجي .. كيف أفعل ذلك؟"
هذا اللي انا فهمته من خلال كلامك ، وفهمت انك ماتبي تحكي عن
أي شي آخر غير هالأمر ، و أعيد و أكرر كلامي " هذا من حقك "
نجي الحين للرد اللي كتبته لك و اللي ما قصروا الاخوات و الاخوان
اضافوا الافضل ... لكن لازم نتفق انك يجب أن تخبري ابنتك بالخطة الجديدة،
بالحياة الجديدة ،
من ناحية طب نفسي و بحوث في هالمجال فلازم تخبريها و لازم هي تعرف ،
اما كيف ... فهناك الكثير من الطرق .. و خلينا مع بعض و هذي دعوة للجميع
ان نتحاور فيها ...
الاقتراح الأول / انتي و طليقك تتفقوا على اخبارها مع بعض ،
بمعنى انك تخبريها ان البابا راح يعيش بمكان مختلف وانك انتي راح تنفصلي
و لكن يا بنتي هذا مو معناته انك ماراح تشوفي البابا ...الخ
و هو طبعا يقولها لها نفس هالحكي و بكذا تمر هالفترة بسهولة ان شاء الله
و ما يحدث اي شي يعكر الصفو ، و راح تشوفيها تتأقلم مع هالعضو أكثر و أكثر،
الاقتراح الثاني / تحكي لبنتك ان والدها مسافر للعمل وانه راح يرجع و يجيب لك
هديه ، و تخبريها انك شوي تعبانه وانك تبين تجلسي ببيت اهلك عشان
ترتاحي شوية و ان جدتها مثلا او جدها محتاجينها و شوي شوي هي راح
تندمج مع اللي يقاربونها بالعمر و حاولي بهالوقت ان وحده من خالاتها تقرب
منها اكثر واكثر و تشاركها بالغرفة و تعملها كل شي تقدر عليه حتى
يروق لها الجو اكثر و بكذا راح يخف السؤال و القلق ،،
الافكار كثيرة المهم نتفق انها لازم تعرف ،
انا جاوبتك على ضمن سؤالك بدون تدخل مني في اشياء ما اعرفها
و لكن احتراما لك جاوبتك و من حق كل واحد منا انه يحتفظ باسراره
او انه ما يحكي الا اللي يبي يحكي من طيبة خاطر ،
و اسال الله ان يهدي خاطرك و ابتسمي يام الجود ، الدنيا مازالت بألف خير
و السلام