ولدي تركته و عمره شهر مع أهلي ، و عاش معهم سنة و نص غصب عني ..
عشان كذا أهلي متعلقين فيه .. و هو يعرفهم بس خلاص تعود علي و على أبوه ..

و يوم أخدت ولدي ..
الحمد لله عوضته عن الفترةة هذيك ،، و بدأ يتعلق فيا و يعرفني ..

عشان كذا أمي تقول ، حرام الولد تبهدل و انحرم كثيييير من يوم ما انولد ..

بس بأقول بداخلي ( شهر و نص ) تعدي ..
بس الشهر و النص هذه ، يجلسها مع الشغالة و التلفزيون و أنا شفت الفترة اللي فاتت ..
كيف كان بالي مشغول معه و متوترة عشان الشغالة و مشاكلها ..

أو يجلسها مع أهلي و يتعلم الكلام و أشياء كويسة ..
لإنه ماشاء الله ، خلال أسبوع واحد تعلم الصلاة و تعلم كلمات جديدة من الأطفال ..

و هناك في الخارج ، مافيش أطفال جنبنا .. وو يكون متعطش لأطفال ،.

و يوم أرجع من الجامعة يبغاني أجري وراه و ألعب معاه ( طيري ) ( و قطار )..بس أكون هلكانة ،،
و هنا بيلعب مع أولاد أخواتي و أخواني ،، و هم كمان يحبوه مررررررة ..
لإن ولدي حنون و مسالم و ماشاء الله اجتماعي مررررة ،،

كل واحد من الأطفال يقول للتاني ، تراه يحبني أكثر منك .. و التاني يقهر أخوه يقول لأ .. يحبني أكثر
و أقول لهم ، يحبكم انتم الإثنين


شكلي بأتركه هنا ،، بديت أقتنع أكثر ..

بس يارب يتحمل هو بعدي عنه ..