طلقني يا كثر ما قلتها لزوجي...وأقولها لما أحس مالي أي قيمة عنده.

اخي الكريم والله انا حااااااسة بزوجتك تماما كانك تتكلم عني

يا اخي بكل صرااااحة زوجتك محتاجة تحس بقيمة ذاتها وإنك تقدرها وتكرمها وتعاملها كشريكة حياااااااااااة

تفاهم وتحاور معها لا تمارس عليها دور سي السيد...

أنت ماقصرت وديتها السوق ..لكن للأسف خربتها لما تأخرت عليك..ومافيها شي لو تأخرت ساعة

والله صدق أتكلم.. إنت بدل ما تصرخ عليها.. كان سألتها حبيبتي ليش تأخرتي؟؟؟

يمكن المحل زحمة... يمكن الطلب في مستدودع تأخرت لين يجيبوه لها... في عشرين سبب

واعتقد إنت تواجه مثل هذه الأسباب لما تروح تشتري غرض لنفسك..

بالله إنت ومعذور وإنت منت بحاجة لأحد يوديك ويجيبك .....

وهي الأنثى الضعيفة اللي بحاجتك مو معذورة....

صراخك عليها حسسها بالإهانة (( أنا بأحلل وأنا حاطة نفسي بمكانها))

يا أخي لو زوجي وداني السوق ومانزل معي للشراء أقسم بالله إني أحس بالإهانة

ايش الفرق بين روحتي معاه وروحتي مع السواق؟؟؟

الحياة شراكة وتقاسم ومعية في كل شئ حسسها بمعيتك حتى في الأمور النسائية اللي تطفش منها..

لأنك والله بتكسبها......

يا أخي من لك غيرها ومن لها غيرك..تقاسموا معا الحلوة والمرة ..والله والله حياتكم بتحلى

ومن وجهة نظري موضوع الإنجاب مو مؤثر عليها.. اللي مؤثر عليها أسلوب تعاملك الغلظ


أنت تصارخ عليها وتهينها في السيارة ,,حتى لو سامحت هي انجرحت والمرأة أقل شي يجرحها

ويحسسها إنك ماتبغاها و مو متمسك فيها إلا لأن مو سهل تلقى واحدة ثانية ترضى تعيش بدون انجاب

الخلاصة قدر زوجتك حسسها بقيمتها وقدرها العالي بينكم وبين بعض وقدام الناس اللي تعرفهم واللي

ماتعرفهم..عشان تتأكد وتتيقن إنك متمسك فيها لذاتها و لحبك لها هي ..وإنك ما تستغنى عنها..

اضبط أعصابك لما تشوف منها شي مايعجبك وتجنب أسلوب رفع الصوت والصراخ....عشان تحس إنك تبغاها

وتحبها ومتمسك فيها لذاتها......

أتمنى أكون وصلت بك إلى ما في نفسي..