اول شي الف مليون مبروك
انا من الرياض وبقول لك من وين تقضيت
فستان الزواج استاجرته من اسواق مكه لان ما عندنا زفه
قميص النوم حق الليله الاولى من محل بردى في اسواق مكه في الطابق الثاني اخذته بـ400 ريال ومره ذوووق اما باقي البجايم والقمصان اخذتها من آخر فرصه واخذت من الهرم وعندك ستي ماكس تلقين عندهم بجايم حلوه
الجزم وانتي بالكرامه اخذتها من الخزان مره رخيصه بقيمة 20 و25 ريال وكأنها ماركه
اخذت الساعات من المرقب تقليد ماركات ومره رخيصه على فكره لا يفوتك المرقب تلقين عندهم شنط ذووووق مره ورخيصه وساعات واكسسوارات
نصيحه لا تكثرين التنانير والفساتين وبناطيل صدقيني تتحسفين بعدين تخيلي والله بعضها ما لبستها الا يمكن مره وشهر وحملت يعني خساره على الفاضي
وخذي لك عطور ومكياج ولا تكثرين بعد وخذي استشوار وربطات شعر انا اخذت عطوري من محل مي اذا تعرفينه
خذي لك كم جلابيه
وكثري من الملابس الداخليه صعبه لما تكونين بشهر العسل ومسافره تغسلينها خلي يكون معك كميه كافيه لانك بتغيرين في اليوم اقل شي 3 مرات
وخذي آلة امجوي لازالة الشعر وخليها مخصصه للمنطقه الحساسه لاني ما انصح تستخدمين الامواس ويا حبذا قبل الزواج بيوم تشيلين المنطقة بحلاوة يكون افضل لانه بيجلس تقريباً شهر ما يطلع شعر
وفيه محل في سوق الرياض الدولي بالبديعه محل عبايات اسمه ساره مره رخيص والقماش حلوو كثير انا لالاسف فصلت عبايتي عند محل المغاتير وعلى طول تقطعت قماشها مو مره
هذا اللي في بالي الحين واذا تذكرت شي ان شاء الله برجع وبكتبه
بس اهم شي حاولي تستمتعين وانتي تتقضين مو تكونين طفشانه وتاخذين اي شي
الله يوفقك ان شاء الله وييسر امرك ويرزق كل محرومه بما تتمناه
__________________
رب اجعلني مقيم الصلاة ومن ذريتي ربنا وتقبل دعاء