اختي الله يسامحك ويرضى عنك.
بس متل ما حكى الاخ محمد الشرقاوي، انا كعضوة بقرا الموضوع ما بقراه بتجرد، لا بالعكس بحاول افهم كل اشارة ضمنية ممكن استشفها من بين كلماتك، وانا اشرت للجملة اللي حكيتيها وحسستني بهالشي، ولوما هيك ما ساورني هالشك ابد، وانا ما اتهمتو بهيك، انا سألتك مجرد سؤال، لانو انتي اكتر وحدة بتقدري تقيمي زوجك واخلاقو، انا عفوا ما بعرفو ولا بعرف عنكم اي شي، وانا ما سالتك هالسؤال الا لما حسيت بالكم الهائل من الشك والقلق اللي جواكي، وكنت عارفة انك رح تأكدي انو مستقيم وسوي، وبناء عليها كنت بدي احكيلك انو خوفك ابدا ما إلو تبرير، وكل انسان إلو مساحة خاصة ما بتعني اي شي يكون مدعاة للشك والقلق، بس شكوكك الكبيرة وصلتلي شعور انو الها هالبعد اللي انا استبعدتو، بس ضل احتمال مطروح من خلال كلامك.
وبدي انوه لشغلة، شو فائدة المنتدى اذا كنا رح نلف وندور ونخبي على بعض، هيك ببطل في مصداقية وبالتالي الحلول او المساعدة المقدمة من كل واحد فينا بتبطل تسير مجدية ولا بتنجد الشخص المستغيث، لازم طارح المشكلة والعضو اللي بساعدو يكونو واضحين وصريحين في كلامهم ومقاصدهم وبالتالي بتاخدي الحل اللي بتلائم مع حالتك وظروفك وبترتاحيلو، وكل انسان بقدر يقيم وضعو لانو ماحدا بعرفكم أد حالكم.
عموما، كنت كتير حابه اني اوضحلك وجهة نظري، ياريت تكون وصلتك وتكوني فهمتيها، بس الاخ محمد ما قصر.
بأكد مرة تانية اني ما قصدي اي شي، ورجاء ما تزعلي، بس والله كلامي لانو حجم شكوكك يثير حفيظة اي شخص.
بكرر اسفي والف سلامة عليكي.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..