تأثر ولدي بالقنوات الفضائيه
السلام عليكم ورحمة الله وبركاته
الموضوع باين من عنوانه
يا جماعة الخير ولدي عمره 4 سنوات وتأثر كثير بالقنوات عندنا اشتراك بالشوتايم والله يصلح زوجي ويهديه ان شاء الله والولد يموت في قناة ديزني وقناة نكلوديون اللي ما فيها الا الدمار
** ملاحظة قناة نكلوديون مو حصريه على الشوتايم
يا عالم تخيلو يجي ولدي ويقول لي كريسمس سعيد 
ولا يقول لي بتجي جنية الامنيات وتحقق امنياتي ولا يقول لي بقول لبابا نويل يجيب لي هديه والحين طايح لي يبي حفلة ميلاد
عارفه اهمال مني كنت ارجع من دوامي تعبانه وافرح انه يجلس قدام التلفزيون حتى ما يزعجني وان الخطأ راكبني من راسي لرجولي بس ابي الحل ابي ابعده عنها
لا تقولون شغلي له المجد فأستحاله من بعد ما طاح في ديزني يغيرها كان عندي براعم بس مدري شفيها ما صارت تشتغل مثل اول
ما ابي اخسر ولدي العود من اول ركزه والولد على ما نربيه
طولت عليكم بس ابي نصايحكم بس شوي شوي علي ما اتحمل تكثرون علي اللي فيني مكفيني
__________________
رب اجعلني مقيم الصلاة ومن ذريتي ربنا وتقبل دعاء
التعديل الأخير تم بواسطة صباح الليل ; 06-04-2010 الساعة 02:13 AM