هنودتنا ام احمد ياحبيبتي واضح انه موضوع الانجاب مسيطر على تفكيرك...بنتك ياعمري بعدها صغيييرة..والعمر قدامك..وربنا اللي اكرمك بمجد..قادر يكرمك بأخوان وخوات الها لكن عليك بالصبر وتحسين نفسيتك..وفكرة انك ناقصة شيلييييها من دماغك..وعيشي حياتك..الحمدلله ربنا ماحرمك من الذرية واعطاك مجد الله يخليلك اياها وبيعطيك غيييرها..لكن..في الوقت المنااااسب..
هند بتعرفي انه ابني صار تقريبا عمره سنتين وخمس شهوروماعندي غيره..وحابة احمل واخلف تاني..عشان ابني لوحده واناعايشة في امريكا...طيب اكتشفنا بعد التحاليل انه نسبة النطاف عند زوجي صفففر.. مع انه من قبل لماحملت بإبني كان كل شئ عند زوجي طبيعي.. كانت صدمة قوية له مسكين..لكن اناقلتله عادي زي ماربنا عطانا ولدنا بيكرمنا بغيره..ومآخذه الموضوع بأريحية..وزوجي بدأ بالعلاج..والناس حولي ذابحتني حرام عليك جيبيلو اخ او اخت وانا بقلهم بس انظفه وبس وبس يكبر لانه مغلبني..مابينت ابداً لاحد اني بحاول احمل وبعمل فحص التبويض كل شهر..عشان هيك انت ماتبيني للناس انك بدك تحملي لانك مارح تخلصي منهم وقولي لهم بنتي بعدها صغيرة والحمل والولادة بدهم قوة..وخلص ماحدا اله عندك...وعيشي حياتك والذرية بتيجي ان شاء الله...اناذكرتلك قصتي عشان بس تعرفي انه انت مش لوحدك..بسس الفرق انه انا مطنشة الموضوع بالعلم انه انا جلست فترة من الزمن بعدين حملت بإبني..والآن عم بسمع فلانة حامل وعلانة بدها تولد لكننن انا تاركتها لله لانه في حكمة لتأخيري..والحمدلله.
__________________
{اللهم أكرم اخواتي الغاليات عاشقات الامومة بالذرية المباركة والطيبة قريباً يارب}